Tag Archives: #უკრაინა

ევროკავშირის ლიდერები 10 მარტს საფრანგეთში სამიტზე შეიკრიბებიან, რათა 27-წევრიანმა ბლოკმა უკრაინაში რუსეთის ინტერვენციის შედეგების სასწრაფოდ მოგვარების გზები გამონახოს. ევროკავშირის მორიგე თავმჯდომარე ქვეყნის, საფრანგეთის, პრეზიდენტი ემანუელ მაკრონი კრიზისულ სამიტს ვერსალის სასახლეში უხელმძღვანელებს. “რუსეთის აგრესიული ომი წარმოადგენს ტექტონიკურ ცვლილებას ევროპის ისტორიაში”, – ნათქვამია ორდღიანი შეხვედრის საბოლოო დეკლარაციის პროექტში, რომელიც საინფორმაციო სააგენტო AFP-მა მოიპოვა. ევროკავშირის ლიდერები უნდა მივიდნენ საერთო დასკვნამდე, თუ “როგორ შეუძლია ...

ატომური ენერგიის საერთაშორისო სააგენტოს (IAEA) გენერალური დირექტორი, რაფაელ გროსი თურქეთში მიფრინავს, რათა უკრაინის ატომური ელექტროსადგურებისა და სხვა ბირთვული ობიექტების უსაფრთხოება განიხილოს. შესაბამის განცხადებას IAEA-ს ხელმძღვანელი Twitter-ზე აქვეყნებს. “მივდივარ ანტალიაში, თურქეთში, რათა განვიხილო უკრაინის ბირთვული ობიექტების უსაფრთხოება და მისი უზრუნველყოფის გადაუდებელი საკითხები“, – წერს რაფაელ გროსი. ანატოლიის დიპლომატიური ფორუმი ანტალიაში დღეს, 10 მარტს არის დაგეგმილი.

უკრაინის საგარეო საქმეთა მინისტრი დმიტრო კულება მადლობას უხდის კომპანია Shell-ს რუსული ნედლი ნავთობის შესყიდვის შეწყვეტისთვის. მისი თქმით, ეს ნაბიჯი წაახალისებს სხვა მსოფლიო ბიზნესებსაც. “მადლობა Shell-ს ამ მორალური და პასუხისმგებლიანი ნაბიჯისთვის და სხვა მსოფლიო ბიზნესების წახალისებისთვის”, — წერს ის.

უკრაინაში, ჟიტომირის ოლქში, რუსეთის ავიაიერიშის შედეგად, ნავთობის საცავში ხანძარი გაჩნდა. უკრაინული მედიის ცნობით, ცეცხლი ორ რეზერვუარს გაუჩნდა. არსებული ინფორმაციით, იერიშის შედეგად არავინ დაშავებულა. ახლოს მდებარე სახლებიდან ადამიანების ევაკუაცია განხორციელდა. ამ დროისთვის, ხანძარი ლიკვიდირებულია.  

უკრაინის საგანგებო სიტუაციების მართვის სახელმწიფო სამსახურის ინფორმაციით, საომარი ვითარების გამო შექმნილ ჩატბოტს რადიაციის შესახებ ინფორმაციის კატეგორია დაამატეს. „ამ განყოფილებაში, შეგიძლიათ ნახოთ რჩევები, თუ როგორ უნდა იმოქმედოთ რადიაციული საფრთხის შემთხვევაში, ასევე გაეცნოთ რადიაციული ფონის რუკას უკრაინის ტერიტორიაზე“, – აღნიშნულია საგანგებო სიტუაციების მართვის სახელმწიფო სამსახურის განცხადებაში. მიმდინარე მოვლენებისა და საჭირო ინსტრუქციების გასაცნობად, უკრაინაში WhatsApp-ის ე.წ. ჩატბოტი რამდენიმე დღის წინ შექმნეს. რა არის საჭირო მისით სარგებლობისთვის, ნახეთ ამ ბმულზე.

ევროპაში გაზის ფასმა ათას კუბურ მეტრზე 3 600 დოლარს გადააჭარბა. ლონდონის საფონდო ბირჟის – ICE-ის მონაცემების მიხედვით, დილით, ვაჭრობის გახსნაზე კუბური მეტრის ღირებულება 2366,8 დოლარს შეადგენდა, რამდენიმე წუთში 2700 დოლარს მიაღწია, შემდეგ კი 3 639,1 დოლარამდე ავიდა. ევროპაში გაზის საფასურმა მკვეთრი ზრდა გასული წლის სექტემბრის შუა რიცხვებიდან დაიწყო. მაშინ მისმა ფასმა 1900 დოლარსაც მიაღწია, რაც იმ დროისთვის ყველაზე მაღალი მაჩვენებელი ...

აშშ–ის წარმომადგენელთა პალატის სპიკერმა ნენსი პელოსიმ განაცხადა, რომ პალატა რუსული ნავთობის იმპორტის აკრძალვის შესახებ კანონს განიხილავს. მისივე თქმით, მიმდინარე კვირაში, რუსული აგრესიის საპასუხოდ, ვაშინგტონი უკრაინას $10 მილიარდიან დახმარებას გამოუყოფს. აღნიშნულის შესახებ ინფორმაციას „ამერიკის ხმა“ ავრცელებს. „ჩვენი კანონპროექტი აშშ–ში რუსული ნავთობის და ენერგომატარებლების იმპორტს კრძალავს, აუქმებს ჩვეულებრივ სავაჭრო ურთიერთობებს რუსეთთან და ბელარუსთან და პირველ ნაბიჯს დგამს რუსეთის მსოფლიო სავაჭრო ორგანიზაციიდან გაძევების ...

უკრაინის საგარეო საქმეთა მინისტრი დმიტრო კულება ნავთობკომპანია „შელს“ მიმართავს – თქვენთვის რუსულ ნავთობს უკრაინული სისხლის სუნი არ ასდის? ეს განცხადება უკრაინელმა დიპლომატმა სოციალურ ქსელ „ტვიტერში“ მას შემდეგ გამოაქვეყნა, რაც მედიაში გავრცელდა ინფორმაცია, რომ „შელმა“ რუსული ნავთობი რეკორდული ფასდაკლებით შეიძინა. „მეუბნებიან, რომ „შელმა“ წუხელ მალულად შეიძინა რუსული ნავთობი. ერთი კითხვა მაქვს „შელთან“: თქვენთვის რუსულ ნავთობს უკრაინული სისხლის სუნი არ ასდის? მოვუწოდებ მთელ ...

უკრაინის ეროვნული უსაფრთხოების სამსახური აცხადებს, რომ რუსეთის შეიარაღებული ძალები რაკეტებს ესვრიან ხარკოვის ფიზიკის ინსტიტუტს, რომელშიც განთავსებულია ბირთვული მასალა და რეაქტორი. ატომურ ობიექტზე დარტყმამ შეიძლება გამოიწვიოს “მასშტაბიანი ეკოლოგიური კატასტროფა”, იუწყება უსაფრთხოების სამსახური.

მტერი მიზნად ისახავს სამხრეთ უკრაინის ატომური ელექტროსადგურის ხელში ჩაგდებას. აღნიშნულის შესახებ უკრაინის პრეზიდენტის აპარატის უფროსის მრჩეველმა ალექსეი არესტოვიჩმა განაცხადა. მისი თქმით, ოკუპანტები ცდილობენ „ნიკოლაევის ჩრდილოეთით წინსვლას და შემოტრიალებას სამხრეთ უკრაინის ატომური ელექტროსადგურის მიმართულებით, რათა სცადონ მისი ხელში ჩაგდება, როგორც ზაპოროჟიეს ატომური ელექტროსადგურის“. ამავდროულად, არესტოვიჩმა აღნიშნა, რომ დღეს ზაპოროჟიეს ატომური ელექტროსადგური მუშაობს რეგულარულ რეჟიმში და “იქ არც თუ ისე ბევრი მტერია”. ...