გერმანიის გაზმომარაგება ამჟამად უზრუნველყოფილია, თუმცა ვითარება დაძაბულია და არ არის გამორიცხული, მომავალში მდგომარეობის გაუარესება. სააგენტო „როიტერის“ ცნობით, ამის შესახებ გერმანიის ენერგეტიკულმა მარეგულირებელმა ორგანომ განაცხადა, მას შემდეგ, რაც რუსულმა ენერგოკომპანია „გაზპრომმა“ ევროკავშირს „ჩრდილოეთ ნაკადი1-ით“ გაზის მიწოდების შეწყვეტა გაუხანგრძლივა. რუსეთს ბუნებრივი აირის მიწოდება უნდა განეახლებინა, თუმცა კომპანიაში განაცხადეს, რომ გაზის მიწოდება ვერ აღდგებოდა და ამის მიზეზად ტექნიკური გაუმართაობა დაასახელეს. „რუსული მხარის მიერ ...

უკრაინის პრეზიდენტი, ვოლოდიმირ ზელენსკი რუსეთის ტერორიზმის სპონსორ სახელმწიფოდ აღიარებას და მის წინააღმდეგ სანქციების გამკაცრებას ითხოვს, რათა თავიდან იყოს აცილებული რადიაციული კატასტროფა უკრაინის ზაპოროჟიეს ატომურ ელექტროსადგურზე (ZNPP). ამის შესახებ ზელენსკიმ უკრაინაში რუსეთის შეჭრის 194-ე დღეს, ვიდეომიმართვაში განაცხადა. „რუსეთის მორიგი პროვოკაციული თავდასხმის გამო, ენერგოგადაცემის უკანასკნელი ხაზი დაზიანდა, რომელიც ზაპოროჟიეს ატომურ ელექტროსადგურს უკრაინის ენერგოსისტემასთან აკავშირებდა. მეორე შემთხვევაა, როდესაც რუსეთის პროვოკაციის შედეგად, ზაპოროჟიეს სადგურზე რადიაციულ კატასტროფამდე ...

გაზის უმსხვილესმა გერმანულმა იმპორტიორმა, კომპანია Uniper-მა განაცხადა, რომ რუსეთიდან გაზის მიწოდება შეწყდა. კომპანიაში აღნიშნეს, რომ გერმანიის სახელმწიფო ბანკის მიერ უზრუნველყოფილ საკრედიტო ხაზს იყენებენ, რომელიც მოხმარდება სხვა მომწოდებლებისგან გაზის მოცულობის შესყიდვას. გასულ კვირას კომპანიამ გერმანიის მთავრობისგან დამატებით 4 მილიარდი ევროს სესხი აიღო აღნიშნული მიზნებისათვის. მანამდე კრემლის ოფიციალურმა წარმომადგენელმა, დმიტრი პესკოვმა განაცხადა, რომ „ჩრდილოეთის ნაკადით“ გაზის მიწოდებასთან დაკავშირებული პრობლემები მანამ შენარჩუნდება, სანამ არ მოიხსნება სანქციები, ...

მწვანე ტრასფორმაცია და საზოგადოებრივი შენობების გარდაქმნა ენერგოეფექტურად – ამ საკითხებზე ჰოლიდეი ინნში კონფერენცია გაიმართა. “საქართველოს რეგიონებისა და თემების გადასვლა მდგრადი ენერგეტიკული მომავლისკენ” – „მზის ფოტოელექტრული (PV) სისტემები საქართველოს ქალაქებისთვის“ – “განახლებადი ენერგიის ინსტიტუტი” (IEO) ახორციელებს UNIDO-ს პროექტს, რომელიც საქართველოს მთავრობასთან შეთანხმებით, პოლონეთის რესპუბლიკის საგარეო საქმეთა სამინისტროს მხარდაჭერით მიმდინარეობს. პროექტის მიზანია საქართველოს ხუთ ქალაქში მზის ენერგიის გამოყენების ხელშეწყობა და მზის ფოტოელექტრული ...

ევროპაში არსებული ენერგოკრიზისის დასაძლევად, საფრანგეთის მთავრობამ ქვეყნის მასშტაბით არსებული ყველა ატომური ელექტროსადგურის ბირთვული რეაქტორის ამუშავების გადაწყვეტილება მიიღო. ენერგეტიკის სამინისტროს ცნობით, ქვეყნის მასშტაბით სულ 56 ბირთვული რეაქტორია, 32 მათგანი კი დაგეგმილი ტექნიკური სამუშაოებისა და სარეაბილიტაციო პროცედურების გამო, დროებით შეჩერებულია. ცნობისთვის, სხვა ევროპული სახელმწიფოებისგან განსხვავებით, საფრანგეთი ელექტროენერგიის საერთო მოცულობის 67%-ს ბირთვული ენერგიის წყალობით გამოიმუშავებს. ზამთრის პერიოდში რუსეთისგან მომავალი საფრთხის მკვეთრად ზრდის ფონზე ...

პუტინი ენერგორესურსებს იარაღად იყენებს მიწოდების შემცირებითა და ჩვენი ენერგეტიკული ბაზრების მანიპულირებით, – განაცხადა ევროკომისიის პრეზიდენტმა, ურსულა ფონ დერ ლაიენმა. „პუტინი ენერგორესურსებს იარაღად იყენებს მიწოდების შემცირებითა და ჩვენი ენერგეტიკული ბაზრების მანიპულირებით. ის [ვლადიმირ პუტინი] დამარცხდება. ევროპა გაიმარჯვებს. ევროკომისია ამზადებს წინადადებებს, რათა დაეხმაროს სოციალურად დაუცველ ოჯახებსა და ბიზნესს, გაუმკლავდნენ ენერგიის მაღალ ფასებს“, – აღნიშნა ურსულა ფონ დერ ლაიენმა.

უკრაინა ზაპოროჟიეს ატომური ელექტროსადგურის მიმდებარე ტერიტორიიდან ქალების, ბავშვებისა და მოხუცების ევაკუაციისთვის რუსეთისგან ჰუმანიტარულ დერეფანს ითხოვს. ამ თემაზე ვიცეპრემიერმა ირინა ვერეშჩუკმა ფრანგულ ტელეარხ LCI-ზე ისაუბრა. ვერეშჩუკის ინფორმაციით, მიმდებარე დასახლებული პუნქტებიდან მშვიდობიან მოსახლეობას რაც შეიძლება მალე სურს ევაკუაცია. მისივე თქმით, ატომური ელექტროსადგურის ირგვლივ ვითარება კვლავ დაძაბულია დაბომბვის გამო. “ხალხი მასობრივად მოგვმართავს დახმარებისთვის. ისინი ცდილობენ დატოვონ სახიფათო ტერიტორია. ჩვენ კიდევ ერთხელ მივმართავთ რუსეთის ფედერაციას მოთხოვნით, უზრუნველყოს ...

საფრანგეთის პრეზიდენტმა, ემანუელ მაკრონმა განაცხადა, რომ საჭიროების შემთხვევაში, საფრანგეთი ელექტროენერგიის სანაცვლოდ გერმანიას გაზს მიაწვდის. „ჩვენ სოლიდარობას გამოვუცხადებთ გერმანიას გაზის გეგმასთან დაკავშირებით, თუ ზამთარი რთული იქნება და გერმანიას ეს დასჭირდება“, – აღნიშნა საფრანგეთის პრეზიდენტმა. ემანუელ მაკრონმა აღნიშნა, რომ საჭიროა დარწმუნება, რომ ელექტროენერგიის მიწოდების შეწყვეტა არ მოხდება და ფასები მაქსიმალურად კარგად გაკონტროლდება.

გაზსადენ “ჩრდილოეთის ნაკადის” გავლით ბუნებრივი აირის დასავლეთისთვის მიწოდებასთან დაკავშირებული პრობლემები რუსეთისთვის დაწესებული სანქციების გაუქმებამდე შენარჩუნდება. ამის შესახებ კრემლის სპიკერმა, დიმიტრი პესკოვმა განაცხადა, – იტყობინება “ინტერფაქსი”. “პრობლემები ჩვენი ქვეყნის და რიგი კომპანიის წინააღმდეგ, დასავლეთის ქვეყნების, მათ შორის, გერმანიის და დიდი ბრიტანეთის მიერ დაწესებული სანქციების გამო წარმოიშვა. არ არსებობს სხვა მიზეზები, რომლებიც გატარებასთან დაკავშირებულ პრობლემებს გამოიწვევდა”, – განუცხადა მან ჟურნალისტებს. პესკოვმა თქვა, ...

უკრაინის ქალაქ კრივი-რიჰში, ნავთობის საცავი იწვის – ამის შესახებ დნეპროპეტროვსკის რეგიონალური ადმინისტრაციის თავმჯდომარემ, ვალენტინ რეზნიჩენკომ განაცხადა. “ძლიერი ხანძარია ნავთობის საცავში. ადგილზე მეხანძრეები მუშაობენ. ნგრევის მასშტაბები და დაშავებულების შესახებ ინფორმაცია ზუსტდება”, – წერს რეზნიჩენკო. მანამდე კრივი-რიჰის სამხედრო ადმინისტრაციის ხელმძღვანელმა ალექსანდრ ვილკულმა სარაკეტო თავდასხმების შესახებ ინფორმაცია გაავრცელა და ხალხს თავშესაფარში დარჩენისკენ მოუწოდა.