Tag Archives: #რუსეთი

რუსეთის ქალაქ ბრიანსკში მდებარე ნავთობბაზას დღეს დილით ცეცხლი გაუჩნდა. ამის შესახებ „როიტერი“ რუსეთის საგანგებო სიტუაციების სამინისტროზე დაყრდნობით იუწყება. სამინისტროს განცხადებაში ნათქვამია, რომ ხანძარი ნავთობსადენების კომპანია „ტრანსნეფტის“ საკუთრებაში არსებულ ობიექტზე, მოსკოვის დროით 02:00 სთ-ზე გაჩნდა, მაგრამ ქალაქის რომელიმე ნაწილის მოსახლეობის ევაკუაციის საჭიროება არ დამდგარა. ბრიანსკი უკრაინის საზღვრიდან ჩრდილო-აღმოსავლეთით მდებარე რუსეთის ერთ-ერთი ადმინისტრაციული ცენტრია, რომელიც უკრაინის სუმისა და ჩერნიგოვის რეგიონებისკენ მდებარეობს.

რუსული ნავთობის საზღვაო გადაზიდვები, მხოლოდ ერთ კვირაში 25%-ით შემცირდა. ამის შესახებ Bloomberg გემების მონიტორინგისა და პორტის აგენტის ანგარიშზე დაყრდნობით წერს, რომლის თანახმადაც შავი ზღვის, ბალტიის და არქტიკის სანაპიროების პორტებიდან აზიისკენ მიმავალი ტვირთის მოცულობა გასულ ორ თვეში ყველაზე დაბალ ნიშნულამდე დაეცა. Bloomberg-ის ცნობით, რუსული საექსპორტო ტერმინალებიდან სულ 30-მა ტანკერმა ჩატვირთა დაახლოებით 21,8 მილიონი ბარელი ნავთობი. შედეგად, საზღვაო ნავთობის საშუალო ნაკადი დღეში 3,12 მილიონი ...

ევროპისთვის რუსული გაზისა და ნავთობის მიწოდებაზე ემბარგოს დაწესება შესაძლოა  სანქციების ფარგლებში განხილვის საგანი გახდეს, მაგრამ დღეს ეს არ განიხილება, განუცხადა საფრანგეთის პრეზიდენტმა ემანუელ მაკრონმა იტალიურ გაზეთ Corriere della Sera-ს. „ეს არის საკითხი (ემბარგო გაზსა და ნავთობზე), შეიძლება იყოს მოლაპარაკების მაგიდაზე, მაგრამ დღეს არა. მოლაპარაკებები უკვე მიმდინარეობს ნახშირზე და ნავთობზე, მაგრამ ჯერ არა გაზზე. ვიცით, რა დიდ სირთულეებს იწვევს ეს. ამიტომ ...

ლატვიის საგარეო საქმეთა სამინისტრო რუსეთის წინააღმდეგ ახალი სანქციების დაწესებას მხარს უჭერს. როგორც უწყების ხელმძღვანელმა, ედგარ რინკევიჩმა სოციალურ ქსელში დაწერა, სანქციები უკრაინაში ომს დაუყოვნებლივ ვერ შეაჩერებს, მაგრამ რუსეთის ეკონომიკას და სამხედრო მანქანას დაასახიჩრებს. „რუსული გაზისა და ნავთობის წინააღმდეგ სანქციები უკრაინაში რუსეთის აგრესიას დაუყოვნებლივ ვერ შეაჩერებს, მაგრამ რუსეთის ეკონომიკას და სამხედრო მანქანას დაასახიჩრებს. ევროპა არ დააფინანსებს რუსეთს და არ მისცემს მას უდანაშაულო ...

ევროკომისიის მიერ გამოქვეყნებული გზამკვლევის მიხედვით, ევროპულმა კომპანიებმა, შესაძლოა, რუსული გაზი რუბლებში, მოსკოვის წინააღმდეგ დაწესებულ სანქციების დარღვევის გარეშე შეიძინონ. ევროკავშირის მიერ გამოქვეყნებული დოკუმენტის მიხედვით, პროცესში რუსეთის ცენტრალური ბანკიც მონაწილეობს და აღწერილია, თუ როგორ გაგრძელდება თანხის გადახდა ევროსა და დოლარში. ევროკავშირი ასევე აღნიშნავს, რომ პროცესი დასრულებული ჯერ კიდევ არ არის. “კონტრაქტების 97% თანხის ევროში ან დოლარში გადახდას ცალსახად ითვალისწინებს. ასეთი კონტრაქტების მქონე კომპანიები რუსეთის მოთხოვნებს არ უნდა დაემორჩილონ”. – თქვა ...

ნიდერლანდები წლის ბოლომდე სრულად უარს იტყვის რუსული გაზის, ნავთობის და ნახშირის შესყიდვაზე. ამის შესახებ ქვეყნის მთავრობამ განაცხადა. ქვეყნის მთლიანი ენერგომოხმარების 44% ბუნებრივ აირზე მოდის, აქედან რუსული გაზის წილი 15%-ს შეადგენს. რუსულ ენერგორესურსებზე უარის თქმას ნიდერლანდები მოხმარების შემცირების და სხვა ქვეყნებისგან გაზრდილი შესყიდვების ხარჯზე ცხოვრობს. ამ მიზნების მისაღწევად  მთავრობა 623 მილიონი ევროს დახარჯავს, რაც კომპანიებს საშუალებას მისცემს შეავსონ სტრატეგიული მნიშვნელობის გაზზსაცავი ...

რუსული გაზის გიგანტ „გაზპრომს“, უკრაინაში რუსეთის შეჭრის გამო, შესაძლოა ევროპაში გაზის ექსპორტი წლის ბოლომდე 1/3-ით შეუმცირდეს. ამის შესახებ Reuters ანალიტიკოსებზე დაყრდნობით წერს. რუსეთი ევროპას მოხმარებისთვის საჭირო გაზის 40%-ს აწვდის, მაგრამ უკრაინაში რუსეთის შეჭრის შემდეგ, ევროპა ცდილობს რუსულ ენერგორესურსებზე დამოკიდებულება შეამციროს. ანალიტიკოსების შეფასებით, მას შემდეგ რაც რუსეთმა „არამეგობრულ ქვეყნების“ გაზის საფასურის გადახდა რუბლში დააკისრა, კრემლის გადაწყვეტილებამ რუსული გაზის ექსპორტის პერსპექტივები შეარყია. „ევროპამ ...

უკრაინამ რუსეთის მხრიდან ბირთვული ტერორიზმის მორიგი აქტი დააფიქსირა,– იუწყება უკრაინის სახელმწიფო კომპანია „ენერგოატომი“ და ვიდეოს აქვეყნებს. კომპანიის ცნიბით, სამხრეთ უკრაინის ატომური ელექტროსადგური იქცა ახალ ობიექტად, რომლის უსაფრთხოებასაც საფრთხე რუსული საკრუიზო რაკეტებით ემუქრებოდა. „16 აპრილს სადგურის მოედანზე გადავიდა სამი საკრუიზო რაკეტა, რომელიც სავარაუდოდ, ბელორუსის ტერიტორიიდან ნიკოლაევის მიმართულებით გაისროლეს. ერთ-ერთი მათგანი სათვალთვალო კამერებმა დააფიქსირა. საფრთხე, ატომურ რეაქტორში ჩავარდნის და ბირთვული კატასტროფის, მაღალი იყო“,– იუწყება „ენერგოატომი“.

რუსული ქვანახშირის ინდუსტრიას დასავლეთის მიერ დაწესებული სანქციების პირველადი შედეგები დაეტყო: წლის დასაწყისიდან, ექსპორტის მაჩვენებელი 9%-ითაა შემცირებული – მხოლოდ აპრილში კი, ექსპორტი 20%-ით შემცირდა. თებერვალში, რუსეთმა ექსპორტზე 14.3 მილიონი ტონა ქვანახშირი გაიტანა, მარტში – 15.1 მილიონი ტონა, ხოლო აპრილში – 14.3 მილიონი ტონა. როგორც წესი, ლოგისტიკური სირთულეების გამო, ზამთრის თვეებში, ქვანახშირის ექსპორტის მაჩვენებელი ბუნებრივად იკლებს, მაგრამ ექსპორტის ისეთი მკვეთრი კლება, როგორიც აპრილში ...

საერთაშორისო სავალუტო ფონდის შეფასებით, შესაძლებელია, რომ რუსეთისა და ირანის მსგავსმა ქვეყნებმა სანქციებისგან თავის დასაღწევად კრიპტოვალუტების მაინინგს მიმართონ. ამგვარ პოტენციურ შესაძლებლობას ენერგორესურსების სიჭარბე აჩენს, რომელიც ქვეყნების საექსპორტო შესაძლებლობებისადმი დაწესებული სანქციებითაა განპირობებული. ამასთანავე, ამ გზით სახელმწიფოებს დამატებითი შემოსავლის მიღებაც შეუძლიათ, საკომისიოების სახით. IMF-ის შეფასებით, რუსეთ-უკრაინის ომის ფონზე მარეგულირებლების მხარეს თავი არაერთმა პრობლემამ იჩინა, რომლებიც, ძირითადად, დაურეგულირებელ გარემოსთან და ანონიმურ ტექნოლოგიებთან არის დაკავშირებული. ისე კი, ...