პოლიტიკა

ვაჭრობის გახსნისას ევროპაში გაზი 30%-ით – 1000 კუბ.მ-ში $2850-მდე გაძვირდა, – იუწყებოდა დღეს მედია ლონდონის ICE ბირჟის მონაცემებზე დაყრდნობით. ფასის ესოდენი ზრდა რუსეთის მიერ “ჩრდილოეთ ნაკადის” გაზსადენით მიწოდებების სრული შეწყვეტის შედეგად იქცა. პრეზიდენტის პრეს-მდივანმა დიმიტრი პესკოვმა ამაზე პასუხისმგებლობა ევროპელ პოლიტიკოსებს დააკისრა რუსეთის მიმართ სანქციების შემოღების გამო და აღნიშნა, რომ სანქციების მოხსნამდე ვითარება არ შეიცვლება. აღსანიშნავია, რომ თავდაპირველად “ჩრდილოეთ ნაკადით” მიწოდებები ...

გერმანული გამოცემა „შპიგელის“ ცნობით, რუსეთმა ენერგომატარებლების გაყიდვიდან მეტი მიიღო, ვიდრე ომზე დახარჯა. ამის შესახებ გერმანული მედიასაშუალება ენერგეტიკისა და სუფთა ჰაერის კვლევის ფინური ცენტრის ანგარიშზე დაყრდნობით იუწყება. კვლევის ავტორები აცხადებენ, რომ უკრაინაში ომის დაწყებიდან ექვსი თვის განმავლობაში, რუსეთის მიერ წიაღისეული ენერგიის გაყიდვიდან მიღებული მოგება 158 მილიარდ ევროს შეადგენდა. თავის მხრივ, ომის ხარჯები 100 მილიარდ ევროდ არის შეფასებული. ანალიზში შეფასებულია 24 თებერვლიდან 24 ...

თურქეთის პრეზიდენტის, რეჯეფ თაიფ ერდოღანის განცხადებით, ევროპა ამ ზამთარს სერიოზული პრობლემებით გაატარებს. როგორც ერდოღანმა ბოსნია და ჰერცეგოვინაში გამგზავრებამდე ჟურნალისტებთან შეხვედრისას განაცხადა, ევროპამ რაც დათესა, იმას მოიმკის. „ამ დროისთვის ბუნებრივ აირთან დაკავშირებით არანაირი პრობლემა არ გვაქვს. რა თქმა უნდა, ევროპა რეალურად მოიმკის, რასაც თესავს. ევროპის დამოკიდებულება პუტინის მიმართ, სანქციების პრაქტიკა, რა თქმა უნდა, პუტინმაც უთხრა მათ: „თუ თქვენ ამას აკეთებთ, მაშინ მეც ასე ...

ევროკომისია გაზის ფასის შეზღუდვის ზომებს სწავლობს. ინფორმაციას ამის შესახებ გერმანული სააგენტო dpa ევროკომისიის შიდა დოკუმენტზე დაყრდნობით ავრცელებს. არსებული ინფორმაციით, არსებობს შესაძლებლობა შეთანხმდეს რუსეთიდან გაზის მაქსიმალური ფასი. კიდევ ერთი ვარიანტი, როგორც დოკუმენტის ავტორები ამბობენ, არის გაზის ფასის დაფიქსირება ევროპულ სავაჭრო მოედნებზე. ეს ნაბიჯი შეიძლება გამოყენებულ იქნას როგორც გადაუდებელი ზომა. პირველი შესაძლებლობის განხორციელებისას გაზის საფასურის ზღვარი შეიძლება განისაზღვროს სპეციალური კანონით.

ევროკომისიის პრეზიდენტი ურსულა ფონ დერ ლაიენი აცხადებს, რომ ევროკომისია ენერგეტიკული კრიზისის დასაძლევად ზომებს ამზადებს. ამის შესახებ მან სოციალურ ქსელ „ტვიტერში“ დაწერა. „პუტინი ენერგეტიკას იარაღად იყენებს. ის ამცირებს მიწოდებას და მანიპულირებს ენერგეტიკული ბაზრებით. ის დამარცხდება. ევროპა გაიმარჯვებს. ევროკომისია ამზადებს ინიციატივებს, რათა დაეხმაროს მოწყვლად ოჯახებს და ბიზნესს, გაუმკლავდნენ ენერგორესურსების მაღალ ფასებს“, – აღნიშნა ევროკომისიის პრეზიდენტმა. ურსულა ფონ დერ ლაიენის ინფორმაციით, ევროკომისიის მიერ შემუშავებულ ...

ევროპაში არსებული ენერგოკრიზისის დასაძლევად, საფრანგეთის მთავრობამ ქვეყნის მასშტაბით არსებული ყველა ატომური ელექტროსადგურის ბირთვული რეაქტორის ამუშავების გადაწყვეტილება მიიღო. ენერგეტიკის სამინისტროს ცნობით, ქვეყნის მასშტაბით სულ 56 ბირთვული რეაქტორია, 32 მათგანი კი დაგეგმილი ტექნიკური სამუშაოებისა და სარეაბილიტაციო პროცედურების გამო, დროებით შეჩერებულია. ცნობისთვის, სხვა ევროპული სახელმწიფოებისგან განსხვავებით, საფრანგეთი ელექტროენერგიის საერთო მოცულობის 67%-ს ბირთვული ენერგიის წყალობით გამოიმუშავებს. ზამთრის პერიოდში რუსეთისგან მომავალი საფრთხის მკვეთრად ზრდის ფონზე ...

პუტინი ენერგორესურსებს იარაღად იყენებს მიწოდების შემცირებითა და ჩვენი ენერგეტიკული ბაზრების მანიპულირებით, – განაცხადა ევროკომისიის პრეზიდენტმა, ურსულა ფონ დერ ლაიენმა. „პუტინი ენერგორესურსებს იარაღად იყენებს მიწოდების შემცირებითა და ჩვენი ენერგეტიკული ბაზრების მანიპულირებით. ის [ვლადიმირ პუტინი] დამარცხდება. ევროპა გაიმარჯვებს. ევროკომისია ამზადებს წინადადებებს, რათა დაეხმაროს სოციალურად დაუცველ ოჯახებსა და ბიზნესს, გაუმკლავდნენ ენერგიის მაღალ ფასებს“, – აღნიშნა ურსულა ფონ დერ ლაიენმა.

საფრანგეთის პრეზიდენტმა, ემანუელ მაკრონმა განაცხადა, რომ საჭიროების შემთხვევაში, საფრანგეთი ელექტროენერგიის სანაცვლოდ გერმანიას გაზს მიაწვდის. „ჩვენ სოლიდარობას გამოვუცხადებთ გერმანიას გაზის გეგმასთან დაკავშირებით, თუ ზამთარი რთული იქნება და გერმანიას ეს დასჭირდება“, – აღნიშნა საფრანგეთის პრეზიდენტმა. ემანუელ მაკრონმა აღნიშნა, რომ საჭიროა დარწმუნება, რომ ელექტროენერგიის მიწოდების შეწყვეტა არ მოხდება და ფასები მაქსიმალურად კარგად გაკონტროლდება.

გაზსადენ “ჩრდილოეთის ნაკადის” გავლით ბუნებრივი აირის დასავლეთისთვის მიწოდებასთან დაკავშირებული პრობლემები რუსეთისთვის დაწესებული სანქციების გაუქმებამდე შენარჩუნდება. ამის შესახებ კრემლის სპიკერმა, დიმიტრი პესკოვმა განაცხადა, – იტყობინება “ინტერფაქსი”. “პრობლემები ჩვენი ქვეყნის და რიგი კომპანიის წინააღმდეგ, დასავლეთის ქვეყნების, მათ შორის, გერმანიის და დიდი ბრიტანეთის მიერ დაწესებული სანქციების გამო წარმოიშვა. არ არსებობს სხვა მიზეზები, რომლებიც გატარებასთან დაკავშირებულ პრობლემებს გამოიწვევდა”, – განუცხადა მან ჟურნალისტებს. პესკოვმა თქვა, ...

გერმანიის მთავრობამ პირობა დადო, მომხმარებლებს ენერგორესურსებზე მზარდ ფასებთან გამკლავებაში დაეხმაროს და აღარ იყოს დამოკიდებული რუსეთის მიერ მოწოდებულ ენერგორესურსებზე. 2 სექტემბერს კომპანია „გაზპრომის“ ხელმძღვანელობამ განაცხადა, რომ  ტექნიკური სამუშაოების გამო გაურკვეველი ვადით წყვეტს გაზსადენ „ჩრდილოეთის ნაკადი 1“-ით ბუნებრივი გაზის მიწოდებას. ვარაუდობენ, რომ რუსეთი გაზსადენს ხანგრძლივი პერიოდით გათიშავს. მისი მიზანია, მოახდინოს ზეწოლა დასავლეთის ქვეყნებზე და დაარღვიოს მათი ერთიანობა რუსეთის წინააღმდეგ დაწესებული სანქციების საკითხში. ...