ნავთობპროდუქტები

ნავთობპროდუქტების იმპორტიორთა კავშირის განცხადებით:   2022 წლის იანვარ-სექტემბრის თვეების განმავლობაში საცხებ-საპოხი მასალების იმპორტმა შეადგინა 15,94 ათასი ტონა, რაც 2,02 ათასი ტონით ანუ 14,5%-ით მეტია წინა წლის ანალოგიური პერიოდის მაჩვენებელთან (13,92 ათასი ტონა) შედარებით.   მიმდინარე წლის იანვარ-სექტემბრის თვეების განმავლობაში  საცხებ-საპოხი მასალების იმპორტის ყველაზე დიდი მოცულობა განხორციელდა თურქეთიდან – 3,04 ათასი ტონა, რაც მთელი იმპორტის 19,1%-ს შეადგენს. შემდეგ მოდიან: ირანი – ...

საქართველოში საწვავი, შესაძლოა, კიდევ 10 თეთრით გაიაფდეს. როგორც „ბიზნესპარტნიორს“ ნავთობპროდუქტების იმპორტიორთა კავშირის თავმჯდომარემ, ვახტანგ იობაშვილმა განუცხადა, ჩვენი ქვეყნის სანავთობო ბაზარზე სიტუაცია სტაბილურია, ქვეყანას გააჩნია საწვავის მარაგები, შესაბამისად, უსიამოვნო სიურპრიზებს არ უნდა ველოდოთ. „გვაქვს ძალიან კარგი ტენდენცია. ფასები მოდის ქვემოთ. საცალო ქსელებში კიდევ ველოდებით, რომ 10 თეთრამდე გაიაფდება საწვავი. რაც შეეხება ბაზრის საერთო მდგომარეობას – ჩვენი კომპანიების სასახელოდ შეიძლება ითქვას, რომ ...

საუდის არაბეთის ეროვნულმა ნავთობკომპანიამ – Saudi Aramco, გაზარდა ნოემბრის ნავთობის ფასი შეერთებული შტატებისთვის, იტყობინება Bloomberg-ი, კომპანიის მონაცემებზე დაყრდნობით. „ფასები ყველა ტიპის ევროპის ჩრდილო-დასავლეთ ნაწილში და ხმელთაშუა ზღვის რეგიონში შემცირდა. აშშ-ში ყველა კლასზე ფასები გაიზარდა 20 ცენტით“, – წერს სააგენტო. ამავდროულად, Saudi Aramco-მ არ გაზარდა თავისი ძირითადი Arab Light ნავთობის ფასი აზიისთვის, თუმცა გადამამუშავებელი მწარმოებლები და მოვაჭრეები, რომლებიც გამოკითხულ იქნა Bloomberg-ის ...

მიმდინარე წლის აგვისტო-სექტემბერში ქართულ ბაზარზე ყველა ტიპის საწვავის ფასმა მნიშვნელოვნად დაიკლო. მაჩვენებელი 10-დან 50 თეთრამდე მერყეობს. მთავარი ფაქტორებია: საერთაშორისო ბაზარზე არსებული ფასის ვარდნა და ეროვნული ვალუტის გამყარება. კონკურენციის სააგენტოს განმარტებით, აგვისტოში, პრემიერის რეკომენდაციის შემდეგ, გარკვეულიყო ბაზარზე არსებული ვითარება საწვავის ტარიფთან დაკავშირებით, სააგენტომ მოკვლევა დაიწყო, რის შემდეგაც საწვავის ფასმა დაიკლო. მთავრობის ეკონომიკურ გუნდს საწვავის ფასის კლებასთან დაკავშირებით, ოქტომბერშიც დადებითი პროგნოზი აქვს.

2022 წლის  7 ოქტომბრის ვაჭრობის შედეგებით მსოფლიოს წამყვან ლონდონისა და ნიუ-იორკის სანავთობო ბირჟებზე ნავთობის ფასი გაიზარდა. კერძოდ, ლონდონში Inter Continental Exchange Futures Europe-ზე (ICE Futures Europe)-Brent ტიპის ნავთობის ფასმა შეადგინა  94.42 (+  1,05)  დოლარი/ბარელზე. ნიუ-იორკში York Mercantile Exchange-ზე (NYMEX) – Light Sweet ტიპის ნავთობის ფასმა შეადგინა  88.45  (+ 0.69)  დოლარი/ბარელზე.

გასული კვირის განმავლობაში აშშ–ში ნედლი ნავთობის მარაგები 1,36 მილიონი  ბარელით შემცირდა და შეადგინა 429,203 მლნ ბარელი. აშშ-ის ენერგეტიკის სამინისტროს მიერ გავრცელებული ინფორმაციის თანახმად, იუწყება “ნავთობპროდუქტების იმპორტიორთა კავშირი”. ბენზინის მარაგები  შემცირდა 4,73  მილიონი ბარელით  და შეადგინა  207,46 მლნ ბარელი. დისტილატების მარაგები  შემცირდა  3,44 მილიონი ბარელით და შეადგინა  110,916 მლნ ბარელი. ნავთობის მოპოვება აშშ-ში კვირის განმავლობაში უცვლელი დარჩა  და შეადგინა 12,0 მლნ ბარელი/დღე-ღამეში.

ნავთობის ექსპორტიორი ქვეყნების ორგანიზაციის (OPEC) წევრები, ასევე რუსეთი და ნავთობის მომპოვებელი რამდენიმე სხვა ქვეყანა, რომელიც OPEC-ში არ შედის, ვენაში გამართულ მინისტერიალზე შეთანხმდნენ ნოემბრიდან დღე-ღამეში 2 მილიონი ბარელით ნავთობის მოპოვების შემცირებაზე. Reuters-ისა და Bloomberg-ის ცნობები დაადასტურა რუსეთის ვიცე-პრემიერმა ალექსანდრ ნოვაკმა. ეს ნავთობის მოპოვების ყველაზე მსხვილმასშტაბიანი შემცირება იქნება COVID-19-ის პანდემიის დაწყების შემდეგ. როგორც მოსალოდნელია, ეს იმას გამოიწვევს, რომ მსოფლიო ბაზრებზე ნავთობის ფასები ...

ბულგარეთი საწვავზე მძიმე ვითარებამ აიძულა შეზღუდვები მოეხსნა რუსულ საწვავზე. კერძოდ, ახალმა  მთავრობამ რუსული საწვავის მომწოდებელი კომპანიები სანქციებიდან ამოიღო. 10 ოქტომბრიდან ბულგარულ ფირმებს უფლება ექნებათ დადონ სახელმწიფო კონტრაქტები და ჩარჩო ხელშეკრულებები რუსულ ფირმებთან. აღნიშნული 2024 წლის ბოლომდე იმოქმედებს. წყარო: bfm.ge

2022 წლის  6 ოქტომბრის ვაჭრობის შედეგებით მსოფლიოს წამყვან ლონდონისა და ნიუ-იორკის სანავთობო ბირჟებზე ნავთობის ფასი გაიზარდა. კერძოდ, ლონდონში Inter Continental Exchange Futures Europe-ზე (ICE Futures Europe)-Brent ტიპის ნავთობის ფასმა შეადგინა  93.39 (+0.01)  დოლარი/ბარელზე. ნიუ-იორკში York Mercantile Exchange-ზე (NYMEX) – Light Sweet ტიპის ნავთობის ფასმა შეადგინა  87.77 (+ 2.89)  დოლარი/ბარელზე.  

მსოფლიოს უდიდესმა თვითმფრინავების მწარმოებელმა კომპანიებმა, ამერიკულმა Boeing-მა და ფრანგულმა Airbus-მა დაადასტურეს უზბეკეთის GTL ქარხანაში წარმოებული სინთეზური GTL საავიაციო ნავთის გამოყენების შესაძლებლობა, როგორც Jet A-1 საავიაციო საწვავის კომპონენტი. ამის შესახებ ინფორმაციას უზბეკეთის ენერგეტიკის სამინისტროს პრესსამსახური ავრცელებს. 2022 წლის 23 სექტემბერს Boeing-მა ოფიციალურად დაადასტურა Uzbekistan GTL-ს ქარხანაში წარმოებული GTL ნავთის გამოყენების შესაძლებლობა ბუხარას გადამამუშავებელ ქარხანაში წარმოებული ტრადიციული Jet A-1 საავიაციო საწვავთან ერთად. ...