სხვადასხვა სამუშაოების ჩატარების გამო, 8 აგვისტოს, თბილისის ნაწილს ელექტრომომარაგების მიწოდება დროებით შეეზღუდება. კომპანია „თელასის“ ცნობით, ჩუღურეთის რაიონში, გადაუდებელი სამუშაოების გამო, 10:00 საათიდან 18:00 საათამდე შეზღუდვა შეეხება: ხეხილ-სანერგე მეურნეობის, ლოტკინის სანერგე მეურნეობის, თვალჭრელიძის, მახათას, ხაჩატურიანის, რეხის მარიამ დადიანი-ანჩაბაძის, დოლიძის, დურმიშიძის, ალავერდის, ზაქარია ჯორჯაძის, ვალერიან კანდელაკის, აგიაშვილის, გაბუნიას, ყუბანეიშვილის, გაბისკირიას, ბეთაშვილის, ორჯონიკიძე-ტოროშელიძის, პაპავების, კარტოზიას, დობროლიუბოვის და ხიმშიაშვილის ქუჩების მოსახლეობას. ნაძალადევის რაიონში, გადაუდებელი სამუშაოების ...

გარემოს დაცვისა და სოფლის მეურნეობის სამინისტროს გარემოსდაცვითი ინფორმაციისა და განათლების ცენტრის ორგანიზებით, ადგილობრივი მერიებისა და სათემო ორგანიზაციების წარმომადგენლებისთვის სამუშაო შეხვედრა გაიმართა. შეხვედრას პროექტის „კლიმატის ცვლილებით გამოწვეული კატასტროფების რისკის შემცირება საქართველოში“ 10 სამიზნე მუნიციპალიტეტის (გორი, თელავი, ახმეტა, სიღნაღი, ლაგოდეხი, სამტრედია, აბაშა, სენაკი, ხობი, ქობულეთი) წარმომადგენლები ესწრებოდნენ. სამუშაო შეხვედრა გარემოსდაცვითი ინფორმაციისა და განათლების ცენტრის დირექტორმა თამარ ალადაშვილმა გახსნა. „აღნიშნული შეხვედრები ხელს უწყობს ...

ნიდერლანდებში მოსახლეობას აფრთხილებენ, რომ  წყლის დეფიციტი იქნება. პრევენციული ზომის სახით კრიზისის მართვის ჯგუფს საჭიროების შემთხვევაში  სასმელი წყლის რეზერვების განაწილების რეგულაცია დაევალა. კრიზისის მართვის ჯგუფის წევრი მიშელ ბლომი ამბობს, რომ სასმელი წყლის მხრივ პრობლემა არ იქნება, რადგან წყლის მომარაგების კომპანიები უზრუნველყოფენ სასმელი წყლის 24-საათიან მიწოდებას. თუმცა იგი მოქალაქეებს სთხოვს, რომ წყალი ეკონომიურად მოიხმარონ. ამ დროისთვის ყველაზე მეტად აგრონომია და გადაზიდვების სფერო ...

შპს “საქართველოს გაზის ტრანსპორტირების კომპანიამ” რუსთავი-თელავი-ჟინვალის D-300მმ მაგისტრალურ გაზსადენზე სარეაბილიტაციო სამუშაოები დაასრულა. კერძოდ, პროექტის ფარგლებში აღნიშნული გაზსადენის 211.9კმ-ზე არსებული კოროზირებული მონაკვეთი შეიცვალა ახლით. ბუნებრივი გაზის მიწოდებას, ეტაპობრივად განახორციელებს შესაბამისი გაზგამანაწილებელი კომპანია. შპს “საქართველოს გაზის ტრანსპორტირების კომპანია” სისტემატურად ახორციელებს გაზსადენებისა და გაზგამანაწილებელი სადგურების სარემონტო-სარეაბილიტაციო სამუშაოებს, რაც უზრუნველყოფს მომხმარებლების უსაფრთხო, საიმედო და უწყვეტ გაზმომარაგებას.

Shell-მა გასულ კვირას გამოაქვეყნა  £9 მილიარდი მოგება მეორე კვარტალში. მისმა კონკურენტმა BP-მ ასევე დააფიქსირა თავისი ყველაზე დიდი კვარტალური მოგება 14 წლის განმავლობაში, £6.9 მილიარდი. ენერგეტიკული გიგანტი Shell თავის თანამშრომლებს ერთჯერად 8%-იან ბონუსს გადასცემს მას შემდეგ რაც კომპანიამ გამოაქვეყნა  ნავთობისა და გაზის მაღალი ფასებიდან მიღებული რეკორდული მოგება. მსოფლიოში დასაქმებული 82,000 ადამიანის უმეტესობა მიიღებს ბონუსს, მაგრამ აღნიშნული სიიდან უმაღლესი აღმასრულებლები გამორიცხული იქნებიან. Shell-მა განმარტა, რომ ჯილდო ასახავს მის ფინანსურ წარმატებას და არ არის პასუხი ცხოვრების გაძვირებაზე. სინოპტიკოსები ვარაუდობენ, რომ ტიპიური საყოფაცხოვრებო ენერგიის გადასახადები ამ ზამთარში წელიწადში £3600-ზე მეტს მიაღწევს. 2021 წლის ოქტომბერში საშუალო გადასახადი იყო £1400 წელიწადში. ფირმების მოგების ზრდა გამოწვეულია ნავთობისა და გაზის მაღალი ფასებით, რომლებიც მკვეთრად გაიზარდა უკრაინის ომის გამო. ბოლო თვეების განმავლობაში, რუსეთმა შეჭრის შემდეგ შეამცირა ევროპის მიწოდება. გაზმომარაგების პრობლემებმა გამოიწვია ფასის ზრდა, რამაც განაპირობა ენერგეტიკული ფირმების მიერ ფასების კორექტირება -გაიზარდა საყოფაცხოვრებო ენერგიის გადასახადები უპრეცედენტო თანხებით. წყარო: commersant.ge

ევროპულმა საბჭომ ზამთარში გაზის მოხმარების 15%-ით შემცირების შესახებ რეგულაცია მიიღო. ამის შესახებ ევროპული საბჭოს განცხადებაშია ნათქვამი. „ევროკავშირის ენერგომომარაგების უსაფრთხოების გაზრდის მიზნით, საბჭომ დღეს მიიღო რეგულაცია ზამთარში ბუნებრივ აირზე მოთხოვნის ნებაყოფლობითი შემცირების შესახებ (15%-ით). რეგლამენტი ითვალისწინებს საბჭოს შესაძლებლობას აამოქმედოს გაფრთხილება მიწოდების უსაფრთხოების შესახებ, ამ შემთხვევაში გაზის მოთხოვნის შემცირება გახდება სავალდებულო“, – ნათქვამია განცხადებაში. განცხადებაში აღნიშნულია, რომ გაზის მოთხოვნის შემცირების მიზანი ზამთრისთვის გაზის ...

მადრიდის ლიდერი, იზაბელ დიას აიუზომ განაცხადა, რომ დედაქალაქის რეგიონი არ ეთანხმება მთავრობის დადგენილებას, რომელიც ენერგიის დაზოგვის ღონისძიებების შემოღებას ითვალისწინებს. ინფორმაციას El Pais ავრცელებს. ესპანეთის მთავრობამ სპეციალური განკარგულება ორშაბათს დაამტკიცა, რომელიც ყველა ბიზნესსა და საჯარო დაწესებულებას ავალდებულებს, ზაფხულში კონდიციონერის, ზამთარში კი გათბობის ტემპერატურა შეზღუდონ და 22:00 საათის შემდეგ მაღაზიების ვიტრინების განათება გამორთონ. იზაბელა დიას აიუზო ამბობს, რომ მადრიდი ღამით მაღაზიებში განათების ...

შესაძლოა, რუსმა ოკუპანტებმა ზაპოროჟიეს ატომური ელექტროსადგური დანაღმეს. ამის შესახებ გამოცემა The Insider-ი წერს. მისი ინფორმაციით, ატომური ელექტროსადგურის ტერიტორიაზე რუსი სამხედროების საეჭვო აქტივობა შეინიშნება. კერძოდ, ობიექტზე შევიდა სატვირთო ავტომობილების კოლონა და, როგორც The Insider-ის წყაროები ამბობენ, იქ დანაღმვითი სამუშაოები ჩატარდა. გამოცემის ცნობით, ოკუპანტები ნაღმებს ენერგობლოკებთან ახლოს, ნაწილს კი უშუალოდ ენერგობლოკში ინახავენ. რუსი ოკუპანტები ზაპოროჟიეს ატომურ ელექტროსადგურს 4 მარტიდან აკონტროლებენ.

ეკონომიკური ზრდის პარალელურად იზრდება მოთხოვნა კომუნალურ მომსახურებაზეც. ელექტროენერგია იმ აუცილებელ პროდუქტებს შორისაა, რომლებიც თანაბრად სჭირდება როგორც ბიზნესს, ასევე მოსახლეობას. 2016 წლიდან 2021 წლამდე საქართველოში ელექტროენერგიაზე ჯამური მოთხოვნა 1.4-ჯერ გაიზარდა, რაც საშუალოდ წელიწადში 4.5%-იანი ზრდაა. ამასთან, ელექტროენერგიაზე მოთხოვნა ძირითადად ბიზნესის მხრიდან გაიზარდა – 2016-21 წლებში ბიზნესის მიერ მოხმარება წლიურად საშუალოდ 4.6%-ით იზრდებოდა, ხოლო მოსახლეობის მიერ – 1.8%-ით. ელექტროენერგიის მოხმარებასა და მისი ...

თურქეთისა და რუსეთის პრეზიდენტები ბუნებრივი აირის საფასურის ნაწილობრივ რუბლებში გადახდაზე შეთანხმდნენ. ამის შესახებ რუსეთის ვიცე-პრემიერმა, ალექსანდრე ნოვაკმა, რეჯეფ თაიფ ერდოღანისა და ვლადიმერ პუტინის შეხვედრის დასრულების შემდეგ განაცხადა. ნოვაკის თქმით, თურქეთი ყოველწლიურად რუსეთისგან 26 მილიარდ კუბურ მეტრ ბუნებრივ აირს ყიდულობს, ლიდერების გადაწყვეტილებით კი, თურქეთი გაზის საფასურის ნაწილს რუბლებში გადაიხდის. რუსეთის ვიცე-პრემიერის განცხადებით, რუსეთი და თურქეთი ეროვნულ ვალუტაში ანგარიშსწორებაზე ეტაპობრივ გადასვლაზე საუბრობენ. ერდოღანმა და ...