კომპანია Apple-მა ავტოპილოტით აღჭურვილი ელექტრომობილის გამოშვების ამბიციური გეგმა 2026 წლამდე გადადო – ამის შესახებ ინფორმაციას Bloomberg-ი ავრცელებს. მათივე ცნობით გეგმის ცვლილება იმ ფაქტორებმა განაპირობა, რომ ავტოპილოტის სისტემა პროგნოზირებული ტემპით ვერ განვითარდა და თვითმართვადი სისტემის გამოყენება მხოლოდ სპეციალურ, ისეთ გარემოშია შესაძლებელი, როგორიც ავტობანია.
Bloomberg-ის ცნობით, სრულად თვითმართვადი ელექტრომობილის გამოშვებას Apple-ი აღარ გეგმავს. ელექტრომობილს, რომელსაც Apple-ი 2026 წელს გამოუშვებს, ჩვეულებრივი საჭე და ავტოპილოტი ექნება, რომელიც მძღოლის ასისტენტის ფუნქციას შეასრულებს.
ელექტრომობილის ფასი Tesla-ს და BMW-ს მსგავსად 100 000 დოლარის ფარგლებში იქნება.
წყარო: commersant.ge
About the Author
