საქართველოში ენერგეტიკისა და ჰიდროტექნიკის ლაბორატორია დაფუძნდება

განათლების სამინისტროს მოწვევით, საქართველოში მსოფლიოში ცნობილი ავსტრიული ფირმის „ბილფიგერის“ წარმომადგენლები იმყოფებიან.

თანამედროვე სასწავლო-კვლევით ლაბორატორიაში, რომელიც ტექნიკური უნივერსიტეტის ბაზაზე შეიქმნება, ქართველი მეცნიერები პროცესებს დააკვირდებიან. ლაბორატორია იქნება პასუხისმგებელი არა მხოლოდ კადრების მომზადებაზე, არამედ ნებისმიერი გადაწყვეტილებისთვის ექსპერტული დასკვნის გაცემაზე.

განათლების მინისტრის განცხადებით პროექტი მნიშვნელოვანია, გამომდინარე იქიდან, რომ არის ტექნიკური განათლება არის სტრატეგიული ნაწილი.

„პროექტი მნიშვნელოვანია იმ კუთხითაც, რომ არის პირველ რიგში მთლიანი სტრატეგიის ნაწილი, და არის ერთ–ერთი შემავსებელი ობიექტი, რომლის გამართვაც საქართველოში ბოლო ორი წელია ინტენსიურად მიმდინარეობს. ეს კონკრეტული კვლევით–საექსპერიმენტო და კვლევითი ბაზა ზუსტად ესადაგება და პასუხობს იმ გამოწვევების, რომლის წინაშეც დღეს სამწუხაროდ ჩვენი ქვეყანა დგას“ აცხადებს განათლების მინისტრი თამარ სანიკიძე

ლაბორატორიაში შესაძლებებლი იქნება ისეთი მოვლენების ექსპერიზა და მოდელირება, როგორებიცაა ღვარცოფები და სხვა ჰიდროენერგეტიკასთან დაკავშირებული მოვლენები