EnergyNews EnergyNews.ge
“აზერენერჯი” (აზერბაიჯანში ელექტროენერგიის მთავარი მწარმოებელი) გეგმავს 2016 წლის მეორე ნახევარში, მეორე კომბინირებული ციკლის ენერგობლოკის ექსპლუატაციაში გაშვებას. მათი თქმით, სამშენებლო-სამონტაჟო სამუშაოების თითქმის 90% დასრულებულია.
“გრძელდება სამუშაოები დადგენილი გეგმის მიხედვით. დროდადრო იყო გარკვეული სირთულეები. სავარაუდოდ, ამ წლის მეორე ნახევარში ობიექტი ექსპლუატაციაში გაეშვება”.
აირტურბინული თბოელექტროსადგური “შიმალის” დადგმული სიმძლავრე 409 მგვტ-ია. ამჟმად ელექტროსადგური აკმაყოფილებს ბაქოსა და აბშერონის ელექტროენერგიის მოხმარების მეოთხედს. ხოლო, მეორე ენერგობლოკის მშენებლობის შემდეგ ეს მაჩვენებელი 35-40% იქნება.
აზერბაიჯანის ელექტროენერგეტიკული სისტემის სიმძლავრე 7129 მგვტ-ს შეადგენს, რომელიც 24 მლრდ კვტ.სთ ელექტროენერგიის წარმოების საშუალებას იძლევა. აღნიშნული, ქვეყანას საშუალებას აძლევს 2,1 მლრდ კვტ.სთ ელექტროენერგია გაიტანოს ექსპორტზე.
წყარო: “ენერგოპლატფორმა”
