EnergyNews EnergyNews.ge
საუდის არაბეთი 2016 წელს ნავთობმოპოვების „მნიშვნელოვნად გაზრდას“ გეგმავს, – იტყობინება Bloomberg-ი Saudi Aramco-ს ხელმძღვანელზე ამინ ნასერზე დაყრდნობით.
ნასერმა დააზუსტა, რომ Saudi Aramco გეგმავს გაზარდოს მოპოვება ერთ-ერთი საბადოდან დღე/ღამეში 1 მლნ ბარელამდე (33%-ით). მომდევნო ათწლეულში კი, კომპანია გაზის მოპოვების გაორმაგებასაც გეგმავს.
სააგენტო აღნიშნავს, რომ საუდის არაბეთი ისწრაფვის ნედლეულის გაიაფების ფონზე, ნავთობზე დამოკიდებულება შეამციროს. ამ საკითხს სულ უფრო აქტიურად ლობირებს საუდის არაბეთის მეფის ვაჟი, მემკვიდრე მოჰამედ ბინ სალმანი, რომელიც Saudi Aramco-ს წილის გაყიდვის მომხრეა. თუ ეს ინიციატივა რეალიზებული იქნება, ეს არაბული კომპანია მსოფლიოში უმსხვილესი იქნება ბირჟაზე გასულ კომპანიებს შორის.
წყარო: Gbc.ge
