ლანჩხუთის მუნიციპალიტეტში ჭარბი წყლის მოცილების სამუშაოები მიმდინარეობს

ლანჩხუთის მუნიციპალიტეტში, მდინარე ფიჩორას მიმდებარე ტერიტორიაზე ჭარბი წყლის მოცილების მიზნით  სარეაბილიტაციო სამუშოები მიმდინარეობს.

სამუშაოებს სოფლის მეურნეობის მინისტრი გაეცნო. სამინისტროს ცნობით, სამუშაოები 2017 წელს დასრულდება, რის შემდეგაც, 2 900 ჰექტარ მიწის ფართობზე მოხდება ჭარბი წყლის მოცილება და ლანჩხუთის მუნიციპალიტეტის 10 სოფლის მოსახლეობა აღნიშნული ტერიტორიის სასოფლო-სამეურნეო დანიშნულებით გამოყენებას შეძლებს.

პროექტის ღირებულება 1 272 000 ლარია. სარეაბილიტაციო სამუშაოებს  შპს “საქართველოს მელიორაცია“ ახორციელებს.

„სოფლის მეურნეობის განვითარებისთვის მელიორაცია უმნიშვნელოვანესი მიმართულებაა. შესაბამისად, ამ კუთხით სოფლის მეურნეობის სამინისტრო აქტიურად მუშაობს. გურიაში, 18 კმ-იანი არხის გაწმენდითი სამუშაოების შემდეგ, ადგილობრივი მოსახლეობა ათწლეულების მანძილზე გამოუყენებელი 3 ათას ჰექტრამდე მიწის ფართობის სასოფლო-სამეურნეო დანიშნულებით გამოყენებას შეძლებს. ეს ხელს შეუწყობს დარგის განვითარების სტიმულირებას“, – აღნიშნა ოთარ დანელიამ.

2012 წლიდან დღემდე, გურიის რეგიონში სამელიორაციო ინფრასტრუქტურის 5 სარეაბილიტაციო პროექტი დასრულდა, რომელთა ჯამური ღირებულება 2 150 000 ლარია. სარეაბილიტაციო სამუშაოების შედეგად, დაშრობილი მიწის ფართობი 2 800 ჰა-დან 3 300 ჰა-მდე გაიზარდა.

ამ ეტაპზე, რეგიონში მიმდინარეობს გარდამავალი სარეაბილიტაციო 2 პროექტი, ჯამური ღირებულებით 1 720 406 ლარი, რომლის დასრულების შემდეგ დაშრობილი მიწის ფართობები დამატებით 3 100 ჰა-ით გაიზრდება.

წყარო: gbc.ge