EnergyNews EnergyNews.ge
თურქეთის პრეზიდენტმა რეჯეპ ტაიპ ერდოღანმა საქართველოსთან ენერგეტიკის სფეროში თანამშრომლობის შეთანხმების რატიფიცირება მოახდინა, – ამის შესახებ ინფორმაციას Resmi Gazete-ი ავრცელებს.
საქართველოსა და თურქეთს შორის ენერგეტიკის სფეროში თანამშრომლობის შესახებ შეთანხმებას ხელი 2015 წლის 9 აპრილს მოეწერა.
საქართველოს სახელმწიფო ელექტროსისტემამ 2016 წლის თებერვლის დასაწყისში დაიწყო 80 მეგავატი სიმძლავრის ელექტროენერგიის ტრანზიტის განხორციელება აზერბაიჯანიდან თურქეთის მიმართულებით.
ასევე აღსანიშნავია, რომ დაიწყო ელექტროენერგიის ტრანზიტი რუსეთიდან სომხეთის მიმართულებით, სადაც დღე-ღამეში საშუალოდ 30 მეგავატი სიმძლავრის გადადინება ხდება.
აღნიშნული ტრანზიტების განხორციელებით, საქართველო ყოველთვიურად დაახლოებით, 1 მლნ ლარის შემოსავალს მიიღებს.
