რუმინეთი საწვავის უმსხვილეს მომწოდებლად რჩება

თებერვალში საქართველოში ნავთობპროდუქტების (ბენზინი და დიზელის საწვავი) იმპორტმა შეადგინა  74,6 ათასი ტონა, რაც 2 ათასი ტონით ნაკლებია იანვრის თვის მაჩვენებელთან შედარებით, – განაცხადა ორშაბათს „ნავთობპროდუქტების იმპორტიორთა კავშირმა“.

ორგანიზაციის ცნობით, თებერვალში  ბენზინის საწვავის იმპორტმა შეადგინა  36,5  ათასი ტონა, ხოლო დიზელის საწვავის იმპორტმა – 38,1  ათასი ტონა.

ამასთან, საწვავის  იმპორტის ყველაზე დიდი მოცულობა განხორციელდა   რუმინეთიდან – 34,5  ათასი ტონა, რაც მთელი იმპორტის 46,2%-ს შეადგენს. შემდეგ  მოდიან: აზერბაიჯანი  – 12,2 ათასი ტონა (16,4%),   ბულგარეთი – 11,4 ათასი ტონა (15,3%), რუსეთი  – 9,8 ათასი ტონა (13,1%), თურქმენეთი – 4,9 ათასი ტონა (6,6%), საბერძნეთი –  1,8 ათასი ტონა (2,4%).

შეგახსენებთ, იანვარში საწვავის ყველზე დიდი მოცულობა რუსეთიდან იყო შემოტანილი.

Gbc.ge