ეტყობა, რომან გოცირიძეს პირდაპირი კავშირი აქვს გაზპრომთან – ნოდარ ხადური

ფინანსთა მინისტრი ნოდარ ხადური ამბობს, რომ გაზპრომის მიერ ერთ-ერთი ქართული ბანკის შესაძლო შესყიდვის შესახებ ინფორმაციას არ ფლობს.

შესაბამისი განცხადება ხადურმა მთავრობის სხდომის დასრულების შემდეგ, “ეკონომიკური განვითარების ცენტრის” თავმჯდომარის რომან გოცირიძის მიერ გავრცელებული ინფორმაციის საპასუხოდ გააკეთა.

,,არ მაქვს ეს ინფორმაცია. ეტყობა ბატონ რომან გოცირიძეს პირდაპირი კავშირი აქვს გაზპრომთან,’’ – განაცხადა ნოდარ ხადურმა.

ცნობისათვის, რომან გოცირიძის ინფორმაციით, რუსული კომპანია “გაზპრომი” საქართველოში ერთ-ერთი პატარა ბანკის შესყიდვას გეგმავს. გოცირიძის თქმით, აღნიშნულ ინფორმაციას ქართული მხარე საგულდაგულოდ მალავს.

ნინო ექვთიმიშვილი

წყარო: მედიანიუსი