ჩინური “ქლინ ენერჯი” და ებრაული “პეგასუსი” საქართველოს ენერგოსექტორში ინვესტიციას გეგმავენ

ისრაელის ცნობილი კომპანია “პეგასუსი” და უმსხვილესი ჩინური კომპანია CEFC-ი საქართველოს ენერგოსექტორში ინვესტიციის განხორციელებას გეგმავენ, – ინვესტირებასთან დაკავშირებით, ამ ეტაპზე მოლაპარაკებები მიმდინარეობს.

ინვესტორებს დღეს საქართველოს პრემიერ-მინისტრი ირაკლი ღარიბაშვილი, ეკონომიკური საბჭოს მდივან, ბიზნესომბუდსმენ გიორგი გახარიასთან ერთად შეხვდა.

შეხვედრას ისრაელში მოღვაწე ბიზნესმენი, მიხეილ მირილაშვილი, კომპანია Pegasus East West-ის თავმჯდომარე რაფი კამინერი და კომპანია CEFC-ის წარმომადგენლები დაესწრნენ.

როგორც პრემიერმა ირაკლი ღარიბაშვილმა განაცხადა ქვეყნისთვის ძალიან მნიშვნელოვანია ახალი ინვესტიციების მოზიდვა და ამ კუთხით საქართველოს ენერგოსექტორი ძალიან მიმზიდველია უცხოელი ინვესტორებისთვის.

შეგახსენებთ, რომ Pegasus East West-თან მთავრობა მოლაპარაკებებს გარდაბნის თბოელექტროსადგურის მშენებლობაზე ახორციელებს.

გარდაბანში 230 მგვ სიმძლავრის კომბინირებული ციკლის თბოელექტროსადგურის მშენებლობასაქართველოს მთავრობამ გასული წლის იანვარში დაიწყო. თბოელექტროსადგური ექსპლუატაციაში 2015 წლის ბოლოდან უნდა შევიდეს