რუმინეთი და ბულგარეთი შავ ზღვაში „ენერგეტიკული კუნძულის“ აშენებას გეგმავენ

წინასწარი კვლევების მიხედვით, ოფშორული ქარის ელექტროსადგურის პოტენციური დადგმული სიმძლავრე 3 გიგავატი იქნება, ხოლო სავარაუდო წლიური გამომუშავება 9.8 ტერავატ/საათს მიაღწევს.

ელექტროსადგურის პროექტი 22 000-ზე მეტ სამუშაო ადგილს შექმნის. მშენებლობას საშუალოდ 7 წელი დასჭირდება, შესაბამისად, ევროპაში ვარაუდობენ, რომ ელექტროსადგურის ქსელში ინტეგრაცია 2030 წლისთვის შესაძლებელი იქნება. პროექტის ჯამური ინვესტიცია 8.4 მილიარდი ევროა.

„ენერგეტიკული კუნძული“ ხელს შეუწყობს რუმინეთისა და სამხრეთ-აღმოსავლეთ ევროპის დეკარბონიზაციას.

აღსანიშნავია, რომ ახალი სადგურის მიერ გამომუშავებული სიმძალვრე მნიშვნელოვანი იქნება შავი ზღვის სხვა ქვეყნებთან, კერძოდ საქართველოსა და თურქეთთან, ასევე აზერბაიჯანთან ურთიერთთანამშრომლობის ჭრილში – განსაკუთრებით კი ახლა, როცა შავი ზღვის წყალქვეშა კაბელის პროექტის განხორციელებას რუმინეთი, საქართველო, აზერბაიჯანი და უნგრეთი ერთობლივად გეგმავენ.