EnergyNews EnergyNews.ge
ფინანსური ანგარიშგების მიხედვით, 2021 წელს სს ,,ენერგო-პრო ჯორჯიას’’ შემოსავალმა 437 მლნ ლარი შეადგინა, რაც 62.3%-ით მეტია 2020–ის ანალოგიურ მაჩვენებელზე.
ამ პერიოდში კომპანიამ 64.6%-ით 97.7 მლნ ლარამდე გაზარდა შესყიდული ელექტროენერგიაში გადახდილი თანხა.
2021 წელს მოგებასთან ერთად კომპანიას მნიშვნელოვნად გაეზარდა ხარჯები. კომპანიის ხარჯებმა* ჯამში 216.4 მლნ ლარი შეადგინა, რაც 40.1%-ით მეტია წინა წლის მაჩვენებელზე.
შეწყვეტილი ოპერაციებიდან მიღებული 148.8 მლნ ლარის ზარალის გამო, კომპანია 2020 წელს 72.2 მლნ ლარის ზარალზე იყო. ზარალიანი 2020-ის შემდეგ 2021 წელს კომპანიის მოგებამ 204.4 მლნ ლარი შეადგინა.
საანგარიშო პერიოდში კომპანიამ 5%-ით 746.7 მლნ ლარამდე გაზარდა აქტივები, ხოლო 54.3%-ით 580.9 მლნ ლარამდე კაპიტალი.
სს „ენერგო-პრო ჯორჯია“ დარეგისტრირებულია 2006 წელს. კომპანიის ძირითადი საქმიანობა ელექტროენერგიის განაწილებაა. კომპანია 2021 წლის მდგომარეობით ასაქმებდა 5 062 ადამიანს. მათზე გაცემულმა ხელფასებმა 2021 წელს ჯამში 68.1 მლნ ლარი შეადგინა.
კომპანიის მფლობელთა სტრუქტურა შემდეგია:
ენერგო პრო ეი. ეს. (ჩეხეთის რესპუბლიკა) – 50.1%;
სს „ენერგო-პრო ჯორჯია ჰოლდინგი“ (საქართველო) – 49.9%
| ენერგო-პრო ( მლნ ₾ ) | 2021 | 2020 | % |
| სულ შემოსავალი | 437 | 269.2 | 62.3 |
| შესყიდული ენერგია | (97.6) | (59.3) | 64.6 |
| კომპანიის ხარჯები* | (216.4) | (154.5) | 40.1 |
| აქტივები | 746.7 | 711 | 5 |
| საკუთარი კაპიტალი | 580.9 | 376.5 | 54.3 |
| წლის მოგება | 204.4 | (72.2) | 283 |
*- კომპანიის ხარჯებში იგულისხმება:შესყიდული ენერგია,მომსახურების ხარჯები,შრომითი დანახარჯები,კონსულტაციის გასამრჯელო,გახარჯული მასალები,საგადასახადო ხარჯები დასხვა საოპერაციო ხარჯები.
წყარო: gbc.ge
