EnergyNews EnergyNews.ge
ევროკავშირის ქვეყნები უკრაინის თხოვნას გამოეხმაურნენ და ქვეყანას 500 ელექტრო გენერატორი გაუგზავნეს.
ამის შესახებ უკრაინის ევროპულ და ევროატლანტიკურ სტრუქტურებში ინტეგრაციის საკითხებში ვიცეპრემიერმა, ოლგა სტეფანიშინამ დაწერა.
“გმადლობთ, რუსული ტერორის წინააღმდეგ უკრაინის მხარდაჭერისთვის. კვირების განმავლობაში რუსეთი უკრაინის ენერგეტიკულ ინფრასტრუქტურას უტევს. ევროკავშირის 17-მა წევრმა ქვეყანამ ჩვენი მოთხოვნა შეისმინა და 500 ელექტრო გენერატორი გაუგზავნა, რომ დაეხმარონ უკრაინელებს ზამთრის გადატანაში”, – დაწერა მან Twitter-ში.
უკრაინამ შესაბამისი თხოვნით ნატოსა და ევროკავშირის ქვეყნებს 20 ოქტომბერს მიმართა.
