EnergyNews EnergyNews.ge
ზაპოროჟიეს ოლქის ქალაქ ორიხივში, რუსული ძალების მიერ განხორციელებული განმეორებითი დაბომბვის შედეგად, რაიონული ელექტროქსელის ორი თანამშრომელი დაიღუპა, ორი კი – დაშავდა. ისინი ელექტროგადამცემი ხაზის აღდგენაზე მუშაობდნენ.
ინფორმაციას ზაპოროჟიეს საოლქო-სამხედრო ადმინისტრაციის ხელმძღვანელი, ალექსანდრე სტარუხი ავრცელებს.
„შემაშფოთებელი ამბები ქალაქ ორიხივიდან. რაიონული ელექტრო ქსელის ორი თანამშრომელი, დიმიტრი სტარიჩენკო და რომან მელნიკი დაზიანებული ელექტროგადამცემი ხაზის აღდგენის დროს, მტრის მიერ განმეორებითი დაბომბვის შედეგად დაიღუპნენ. მაქსიმ იურჩენკო და დიმიტრი რაბაჯიევი კი დაშავდნენ და საავადმყოფოში გადაიყვანეს“, – წერს სტარუხი.
ცნობისათვის, უკრაინის ენერგეტიკის მინისტრის, გერმან გალუშენკოს ინფორმაციით, რუსების მიერ 10-11 ოქტომბერს განხორციელებული სარაკეტო იერიშის დროს, რაკეტები უკრაინის ენერგეტიკული ინფრასტრუქტურის დაახლოებით 30%-ს მოხვდა.
წყარო: interpressnews.ge
