EnergyNews EnergyNews.ge
IAEA-ს ხელმძღვანელი, რომელმაც ხუთშაბათს რამდენიმე საათი გაატარა ზაპოროჟიეს ატომურ ელექტროსადგურში, პირველ შეფასებებს აკეთებს. მისი თქმით, ცხადია, რომ რამდენჯერმე დაირღვა ელექტროსადგურის ფიზიკური მთლიანობა.
„ასე გაგრძელება არ შეიძლება“, – განუცხადა რაფაელ გროსიმ ჟურნალისტებს, როდესაც უკრაინის მიერ კონტროლირებად ტერიტორიაზე ბრუნდებოდა.
„ჩვენ არსად მივდივართ. ინსპექტორები იქ დარჩებიან”, – განაცხადა გროსიმ.
მისი თქმით, ექსპერტები უზრუნველყოფენ მიუკერძოებელ, ნეიტრალურ, ტექნიკურად გამართულ შეფასებას იმის შესახებ, თუ რა ხდება ZNPP-ზე.
„პრობლემა, რომელიც მსოფლიო საზოგადოებას ძალიან აწუხებს, ზაპოროჟიეს ატომური ელექტროსადგურის დაბომბვაა, რამაც შესაძლოა, ქარხანა დააზიანოს და რადიაციული დაბინძურების გაჟონვა გამოიწვიოს.
გროსის თქმით, ის შეესწრო სროლებს.
„იყო მომენტები, როცა აშკარა იყო, რომ ისროდნენ: ტყვიამფრქვევი… ნაღმტყორცნები. ორჯერ ან სამჯერ, ეს მართლაც ძალიან შემაშფოთებელი იყო, მე ვიტყოდი, ყველა ჩვენგანისთვის”, – განაცხადა IAEA-ს ხელმძღვანელმა.
