ევროპა, შესაძლოა, ნახევარი ათასწლეულის განმავლობაში, ყველაზე მძიმე გვალვის წინაშეა

ევროპა, შესაძლოა, ნახევარი ათასწლეულის განმავლობაში, ყველაზე მძიმე გვალვის წინაშეა. ასეთია ევროპის კომისიის დასკვნა.

უკანასკნელი სამეცნიერო მონაცემების მიხედვით, კონტინენტის თითქმის ორ მესამედზე საგანგაშო მდგომარეობა ან გაფრთხილებაა გამოცხადებული.

ევროპის ტერიტორიის 47%-ზე გაფრთხილებაა გამოცხადებული ნიადაგში ნესტის დეფიციტის გამო, 17%-ზე კი საგანგაშო მდგომარეობაა.

გვალვა, „როგორც ჩანს, ყველაზე მძიმეა, მინიმუმ, 500 წლის განმავლობაში,“- განაცხადა ევროკომისიის პრესსპიკერმა იოჰანეს ბარკემ.

ანგარიშის თანახმად, გვალვამ დააზიანა საზაფხულო კულტურები, შესაბამისად, მოსავლიანობა წელს 15%-ით დაეცემა.