ელექტროენერგიის დასაზოგად, ბანგლადეშის სკოლებში სასწავლო დღეები, ოფისებში კი სამუშაო საათები შეამცირეს

საწვავის ფასების ზრდისა და უკრაინის ომის გავლენის გამო, ელექტროენერგიის მოხმარების შემცირების მიზნით, ბანგლადეშის სკოლებში სასწავლო დღეები, სახელმწიფო დაწესებულებებსა და ბანკებში კი, სამუშაო საათები შეამცირეს, – ამის შესახებ Al Jazeera წერს.

ახალი რეგულაცია ძალაში დღეს შევიდა. ქვეყანაში სკოლების ნაწილი შაბათსაც ღიაა. ახალი წესების მიხედვით, ამ დღეს საგანმანათლებლო დაწესებულებები აღარ იმუშავებენ. სამთავრობო ოფისები და ბანკები სამუშაო დროს რვა საათიდან შვიდ საათამდე შეამცირებენ. სხვა დაწესებულებებს უფლება აქვთ, თავად გადაწყვიტონ, როგორი განრიგით იმუშავებენ.

როგორც Al Jazeera წერს, უკრაინის ომით გამოწვეულ მიწოდების შეფერხებას ბანგლადეშში ენერგიისა და სურსათის ფასების ზრდა მოჰყვა.

წყარო: imedinews.ge