PetroСhina ნავთობსადენებში საკუთარ წილს ყიდის

ჩინეთის უმსხვილესი ნავთობკომპანია PetroChina  ნავთობსადენებში საკუთარი წილის გაყიდვას 15,5 მლრდ იუანად, ანუ დაახლოებით 2,4 მლრდ აშშ დოლარად გეგმავს.

აღნიშნულის შესახებ ინფორმაციას Bloomberg -ი შანხაის საფონდო ბირჟაზე დაყრდნობით ავრცელებს.

PetroChina აქტივების ნაწილის მოშორებას გეგმავს იმ მიზნით, რომ მთავრობის მიერ დასახული გეგმის შესრულება შეძლოს და  მიმდინარე წელი მოგებით დაასრულოს.

Forbes-ის ინფორმაციით, PetroСhina  მსოფლიოს უმსხვილესი 30 კომპანიის რეიტინგში მეშვიდე ადგილზეა.

2014 წელს კომპანიის შემოსავალი ბოლო 5 წლის მინიმუმამდე დაეცა.

წყარო: gbc.ge