თურქეთი შავ ზღვაში ბუნებრივი აირის მოპოვების პროექტის ფარგლებში მილსადენების მშენებლობას იწყებს

თურქეთი ემზადება უმნიშვნელოვანესი სტადიისთვის, რომელიც დაეხმარება შავი ზღვიდან ბუნებრივი აირის მოპოვების პროექტის რეალიზებაში. საუბარია გაზის საბადო საკარიაზე, საიდანაც 10 ივნისიდან დაიწყება 170-კილომეტრიანი მილსადენის მშენებლობა 2 კმ სიღრმეზე. სამუშაოების დასრულება 5 თვეში იგეგმება – წერს გაზეთი Yeni Safak.

მილების ჩადებით დაკავდებიან სპეციალური გემები „კასტორო – 10“ და „კასტრონე“. ეს პირველი უკვე ჩავიდა შავი ზღვის პორტ ფილოსში, საიდანაც არის დაგეგმილი მილსადენის გადება. მეორე ხომალდი კი ჯერ აღმოსავლეთ ხმელთაშუაზღვისპირეთშია და მას თურქეთში ივლისში ელოდებიან. სულ კი სამუშაოებში 20 გემი ჩაერთვება და 4 ათასი ადამიანი.

გეგმის მიხედვით საკარიადან პირველი გაზის მიწოდება თურქი მომხმარებლებისთვის 2023 წლის პირველი კვარტლიდან მოხდება. საწყის სტადიაზე იგეგმება 10 მლნ კუბ.მ გაზის მოპოვებას დღიურად, ანუ წლიურად 3,4-4 მლრდ კუბ.მ. 2027-2028 წლისთვის კი დღიური მოცულობა გაიზრდება 40 მლნ კუბ-მ-მდე და წლიური მოცულობა მიაღწევს 15 მლრდ კუბ.მ-ს.

შავ ზღვაში გაზის საბადოს აღმოჩენის შესახებ თურქეთის ხელისუფლებამ 2020 წელს გამოაცხადა. როგორც იუწყებიან საკმარიას მარაგები 400 მლრდ კუბ-მ-ს აღწევს. თავად საბადოს დამუშავრბაში თურქეთი 10 მლრდ დოლარის ინვესტიციას განახორციელებს.

წყარო: bpn.ge