საქართველო ელექტროენერგიის ტრანზიტისთვის ყოველთვიურად ნახევარ მილიონ ლარს მიიღებს

საქართველოს გავლით, აზერბაიჯანიდან თურქეთში ელექტროენერგიის ტრანზიტისთვის ჩვენი ქვეყანა ყოველთვიურად დაახლოებით, ნახევარ მილიონ ლარს მიიღებს , – ამის შესახებ “საქართველოს სახელმწიფო ელექტროსისტემის” გენერალურმა დირექტორმა, სულხან ზუმბურიძემ განუცხადა.

მისი თქმით, აზერბაიჯანელ კოლეგებთან ნოემბერში საკმაოდ ინტენსიური მოლაპარაკებები გაიმართა და მოხდა შეთანხმება მრავალ დეტალზე, რომელიც ხელშეკრულების შემადგენელი ნაწილია.

“ამ ეტაპისთვის ხელშეკრულების დაზუსტება მიმდინარეობს და არის ვარაუდი, რომ მომავალი წლის დასაწყისიდან ჩვენ უკვე შევძლებთ საქართველოს გავლით ტრანზიტის განხორციელებას თურქეთის მიმართულებით, რაც დამატებით შემოსავალს მოუტანს ქვეყანას და მათ შორის, “სახელმწიფო ელეტქოროსისტემას”. ლაპარაკია, ყოველთვიურად დაახლოებით, ნახევარ მილიონ ლარზე”, – განაცხადა ზუმბურიძემ.