EnergyNews EnergyNews.ge
ევროპული საბჭოს პრეზიდენტმა, შარლ მიშელმა განაცხადა, რომ ევროკავშირის წევრი სახელმწიფოები რუსულ ნავთობზე ემბარგოს დაწესებაზე გადაწყვეტილებას მალე მიიღებენ.
შარლ მიშელის აზრით, ევროკავშირი კომპრომისის მიღწევას მომდევნო სამიტამდე შეძლებს, რომელიც 30-31 მაისს ბრიუსელში გაიმართება.
„ევროკავშირი მომავალ კვირას ევროპის სამიტამდე რუსულ ნავთობზე ემბარგოს შესახებ შეთანხმებას მიაღწევს, მიუხედავად უნგრეთის წინააღმდეგობისა. დარწმუნებული ვარ, რომ ჩვენ შეგვიძლია გადავწყვიტოთ ეს საკითხი სამიტამდე“, – აღნიშნა ევროპული საბჭოს პრეზიდენტმა.
