EnergyNews EnergyNews.ge
შეერთებულმა შტატებმა და სომხეთმა სამოქალაქო დანიშნულების ბირთვული ენერგიის სფეროში სტრატეგიული თანამშრომლობის შესახებ მემორანდუმს ხელი მოაწერეს.
ხელმოწერის ცერემონიალში მონაწილეობა აშშ-ის სახელმწიფო მდივანმა ენტონი ბლინკენმა და სომხეთის საგარეო საქმეთა მინისტრმა არარატ მირზოიანმა მიიღეს.
„ჩვენ ვაფასებთ აშშ-ის მხარდაჭერას ჩვენი რეფორმების მიმართ. სომხეთი ასევე აფასებს აშშ-ის მხარდაჭერას სომხეთის ენერგეტიკული სექტორის განვითარებისთვის“, – განაცხადა მირზოიანმა ვაშინგტონში გამართულ ცერემონიალზე.
შეერთებულ შტატებსა და სომხეთს შორის მემორანდუმის გაფორმებასთან დაკავშირებით ბლინკენმა განაცხადა, რომ ეს აშშ-სა და სომხეთს შორის თანამშრომლობის ახალ გზებს ხსნის.
ბირთვული თანამშრომლობის მემორანდუმი არის დიპლომატიური მექანიზმი, რომელიც სამოქალაქო დანიშნულების ბირთვული ენერგიის სფეროში შეერთებულ შტატებსა და პარტნიორ ქვეყანას შორის კავშირებს აძლიერებს და აფართოებს.
წყარო: pia.ge
