EnergyNews EnergyNews.ge
უნგრეთის პრემიერ-მინისტრის კანცელარიის ხელმძღვანელმა და მინისტრმა, გერგელ გულიაშმა განაცხადა, რომ უნგრეთი ვეტოს დაადებს ევროკავშირის ნებისმიერ წინადადებას, რომელიც რუსეთიდან ენერგიის იმპორტის შეზღუდვას გამოიწვევს.
„ჩვენ მკაფიოდ განვაცხადეთ, რომ არასდროს დავუჭერთ მხარს ევროკავშირის სანქციების გავრცელებას რუსეთის წინააღმდეგ ენერგეტიკის სფეროში“, – განაცხადა გერგელ გულიაშმა.
სააგენტო Bloomberg-ის ინფორმაციით, ევროკავშირი მიმდინარე წლის ბოლომდე რუსეთის ნავთობის აკრძალვის წინადადებით გამოვა, ხოლო იმპორტზე შეზღუდვები ეტაპობრივად დაწესდება.
უნგრეთი, რომელიც ძლიერ არის დამოკიდებული რუსულ ენერგიაზე, სანქციების გაფართოების წინააღმდეგ გამოდის.
„ვინაიდან ასეთი გადაწყვეტილება მოითხოვს ერთსულოვნებას, აზრი არ აქვს ევროკომისიის მხრიდან ბუნებრივ აირსა და ნედლ ნავთობზე სანქციების შეთავაზებას, რაც შეზღუდავს უნგრეთის შესყიდვებს“, – აღნიშნა უნგრეთის პრემიერ-მინისტრის კანცელარიის ხელმძღვანელმა.
