ეგვიპტე ევროპას რუსულ გაზზე დამოკიდებულების შემცირებაში დაეხმარება

იტალიურმა Eni-მ ხელი მოაწერა შეთანხმებას ეგვიპტეში გაზის მოპოვების გაზრდისა და ევროპაში თხევადი ბუნებრივი აირის (LNG) მიწოდების გაზრდის შესახებ. ამის შესახებ Reuters წერს.

Eni-მ, რომელმაც აღმოაჩინა ეგვიპტის სუპერგიგანტური გაზის საბადო Zohr 2015 წელს, განაცხადა, რომ მიაღწია შეთანხმებას ეგვიპტის ბუნებრივი გაზის ჰოლდინგ კომპანიასთან (EGAS) გაზარდოს გაზის წარმოება და გაზარდოს საძიებო სამუშაოები არსებულ და ახალ საბადოებზე.

ამით ევროპა აძლიერებს ძალისხმევას გაზის იმპორტის ალტერნატიული წყაროების მოძიებაში, რათა შემცირდეს მისი დამოკიდებულება რუსულ გაზზე. მანამდე, იტალიის პრემიერ-მინისტრმა, მარიო დრაგიმ დადო შეთანხმება ალჟირიდან იმპორტის გაზრდის შესახებ, რათა შეცვალოს 29 მილიარდი კუბური მეტრი, რომელიც ქვეყანას რუსეთიდან იღებს.

შეთანხმებამ შეიძლება გამოიწვიოს ევროპაში სამი მილიარდი კუბური მეტრი LNG-ის ტრანსპორტირება. Eni, რომლის უმსხვილესი აქციონერი სახელმწიფოა, ფლობს წილს ეგვიპტის Damietta LNG ქარხანაში, რომლის სიმძლავრე წელიწადში 7,5 მილიარდ კუბურ მეტრზე მეტია.

წყარო: bfm.ge