რუსეთმა ნავთობის მოპოვებისა და ექსპორტის მონაცემები გაასაიდუმლოვა

რუსეთის „საწვავი-ენერგეტიკული კომპლექსის ცენტრალურმა გამანაწილებელმა ოფისმა“ (CDU TEK, ენერგეტიკის სამინისტროს ფილიალი) ნავთობის მოპოვებისა და ექსპორტის სტატისტიკის გამოქვეყნება შეწყვიტა. ეს მონაცემები შეიძლება გამოყენებულ იქნას კომპანიებზე და მთლიანად ბაზარზე ზეწოლისთვის, განუმარტა „ინტერფაქსს“ ენერგეტიკის სამინისტროს რუსეთის ენერგეტიკული სააგენტოს (REA) წარმომადგენელმა.

„შეზღუდვების ქვეშ მყოფი ინდუსტრიის სტატისტიკა საკმაოდ მგრძნობიარეა მანიპულაციის მიმართ, რაც საფრთხეს უქმნის CDU-ს საწვავი-ენერგეტიკული კომპლექსის კონტრაგენტების საქმიანობას“, – აღნიშნა სპიკერმა.

CDU ინფორმაციას რუსეთის საწვავი-ენერგეტიკული კომპლექსის მუშაობის შესახებ საანგარიშო თვის მეორე დღეს აქვეყნებს. თუმცა, 2 აპრილს CDU-მ არ გაამჟღავნა ყოველთვიური სტატისტიკა, თავდაპირველად ეს ტექნიკური მიზეზებით ახსნა.

აპრილის დასაწყისში რუსული ნავთობის მოპოვება ორწლიან მინიმუმამდე დაეცა, რადგან შიდა საწვავზე მოთხოვნა შემცირდა. რუსეთის საწვავისა და ენერგიის კომპლექსის ცენტრალური დისპეტჩერიზაციის ოფისის მონაცემებზე დაყრდნობით, ჟურნალისტებმა გამოთვალეს, რომ რუსეთი 1 აპრილიდან 6 აპრილამდე აწარმოებდა საშუალოდ 10,52 მილიონ ბარელს დღეში, რაც 4,5 პროცენტით ნაკლებია მარტთან შედარებით.

წყარო: bfm.ge