EnergyNews EnergyNews.ge
გერმანია მზად არის რუსული ნავთობისა და ნახშირის იმპორტზე მთლიანად უარი 2022 წლის ბოლომდე თქვას. რაც შეეხება გაზს, ბერლინი ამისთვის ჯერ მზად არ არის. ამის შესახებ ნათქვამია RBC-Ukraine სტატიაში – „ემბარგოს დროა ან როცა გერმანია შეწყვეტს რუსეთისგან გაზის ყიდვას“.
აღსანიშნავია, რომ დღეს ბერლინი მხოლოდ რუსული ქვანახშირისა და ნავთობის მიწოდების მნიშვნელოვან შემცირებაზე საუბრობს. კერძოდ, გერმანიის ეკონომიკის სამინისტრომ RBC-Ukraine-ს განუცხადა, რომ ნავთობის იმპორტს დიდი ალბათობა წლის ბოლომდე შეწყვეტს.
„ველოდებით, რომ კონტრაქტის ცვლილებების შედეგად რუსულ ნავთობზე დამოკიდებულება უკვე 25%-მდე შემცირდება. გერმანიაში შუა წლისთვის რუსული ნავთობის იმპორტის განახევრებაა მოსალოდნელი, ხოლო წლის ბოლომდე შევეცდებით თითქმის დამოუკიდებლები გავხდეთ“, – აცხადებენ გერმანიის ეკონომიკის სამინისტროში.
ასევე, წლის ბოლომდე უარი ვთქვათ რუსულ ნახშირზე. ზაფხულამდე ელექტროსადგურების უმეტესობა ან მთლიანად უარს იტყვის ნახშირზე ან მნიშვნელოვნად შეამცირებს გამოყენებას. კონტრაქტში ცვლილებების შედეგად, მომდევნო რამდენიმე კვირაში ნახშირზე დამოკიდებულება 50%-დან დაახლოებით 25%-მდე შემცირდება”, – განაცხადეს გერმანიის ეკონომიკის სამინისტროში.
მაგრამ რაც შეეხება გაზს, გერმანია არ არის მზად მასზე უარი თქვას. გასულ წელს რუსული გაზის იმპორტის დაახლოებით 55%-ს შეადგენდა, 2022 წლის პირველი კვარტლის ბოლოს კი წილი 40%-მდე დაეცა. მაგრამ ეს რუსული მიწოდების შემცირების გამო მოხდა.
წყარო: commersant.ge
