ევროპული ნახშირის ფასი იზრდება მას შემდეგ, რაც ევროკავშირმა რუსული ნახშირის იმპორტის აკრძალვა გადაწყვიტა

სამშაბათს 5  აპრილს ევროპულ ქვანახშირზე ფასი გაიზარდა, რადგან ევროკავშირი ქვანახშირის რუსეთის უკრაინაში შეჭრის და ომის საეჭვო დანაშაულის გამო რუსეთიდან იმპორტის აკრძალვისთვის ემზადება – ამის შესახებ ინფორმაციას გამოცემა financial Times ავრცელებს.

მათივე ინფორმაციით ევროპაში ნახშირის საბითუმო ფასთან დაკავშირებული ფიუჩერსები 10% – ზე მეტით გაიზარდა  და მისმა ფასმა ტონაზე 290 დოლარი შეადგინა. ევროკომისიის პრეზიდენტმა  ურსულა ფონ დერ ლეიენმა, განაცხადა, რომ ბლოკი რუსულ ქვანახშირზე ემბარგოს დააწესებს.

”ეს კიდევ ერთ მნიშვნელოვან შემოსავლის წყაროს შეამცირებს რუსეთისთვის,” – თქვა მან.

გასულ წელს ევროკავშირმა  65 მილიონი ტონა ნახშირი შემოიტანა, რომელიც ელექტროსადგურებში ელექტროენერგიის გამომუშავებისთვის იწვება. აქედან 45 მილიონი ტონა რუსეთიდან შემოვიდა.

წყარო: “კომერსანტი”