EnergyNews EnergyNews.ge
იაპონელმა და ფრანგმა ინვესტორებმა შეაჩერეს რუსული გაზის კერძო კომპანიის Novatek-ის 23 მილიარდი დოლარის დაფინანსება ჩრდილოეთ რუსეთში თხევადი ბუნებრივი აირის ქარხნის ასაშენებლად – ამის შესახებ იაპონური საინფორმაციო სააგენტო Nikkei იტყობინება.
„იაპონიამ და საფრანგეთმა შეწყვიტეს ახალი ინვესტიციების განხორციელება რუსეთის არქტიკაში თხევადი ბუნებრივი აირის ძირითად პროექტში, რუსეთის წინააღმდეგ ეკონომიკური სანქციების გამო“, – წერს Nikkei.
გავრცელებული ინფორმაციით, სანქციებმა ფინანსურ ინსტიტუტებს საშუალება არ მისცეს, გადაერიცხათ პროექტის დასაფინანსებლად საჭირო თანხები.
