EnergyNews EnergyNews.ge
აშშ-ის სახელმწიფო მდივნის თანაშემწე ვიქტორია ნულანდი აცხადებს, რომ კრემლის საამაყო პროექტი „ჩრდილოეთ ნაკადი 2“ მკვდარია”.
“არ მგონია, ვინმემ ოდესმე ეს პროექტი გააცოცხლოს. ის ახლა ლითონის ნაგლეჯია, რომელიც ზღვის ფსკერზე ასვენია”, – განაცხადა ნულანდმა სენატის საერთაშორისო ურთიერთობათა კომიტეტში სიტყვით გამოსვლისას.
მისი თქმით, აშშ პარტნიორებთან ერთად მუშაობს სანქცების შედეგად გამოწვეული ვითარების მოსაგვარებლად.
ცნობისთვის: რუსეთმა უკრაინაში სრულმასშტაბიანი ომი 24 თებერვალს დაიწყო. რუსული ჯარები უკრაინაში შეიჭრნენ სამი მხრიდან — ჩრდილოეთიდან (ბელარუსი), აღმოსავლეთიდან (დონეცკი-ლუგანსკი) და სამხრეთიდან (ყირიმი).
