აშშ ღიაა რუსეთის ენერგეტიკის სექტორის სანქცირებისთვის

შეერთებული შტატები “ღიაა” რუსეთის ნავთობისა და გაზის ინდუსტრიისთვის სანქციების დაწესებისთვის. ეს განცხადება თეთრი სახლის სპიკერმა, ჯენ ფსაკიმ გააკეთა და აღნიშნა, რომ ის აფასებს სანქციების შესაძლო გავლენას გლობალურ ბაზრებზე და აშშ-ის ენერგეტიკულ ფასებზე.

კითხვაზე, დააწესებენ თუ არა ვაშინგტონი და მისი დასავლელი მოკავშირეები სანქციებს მოსკოვის ენერგეტიკისა და გაზის ინდუსტრიაზე, ფსაკიმ MSNBC-სთან ინტერვიუში განუცხადა: “ჩვენ ძალიან ღია ვართ”.

“ჩვენ განვიხილავთ ამას. ძალიან ბევრი რამ დევს მაგიდაზე, მაგრამ ჩვენ უნდა შევაფასოთ, როგორი იქნება ზემოქმედება”,- დასძინა მან.

უკრაინაში მიმდინარე ომის ფონზე, ნავთობის ფასი ზრდას განაგრძობს. “ბრენტის” ტიპის ბარელი ნავთობის ფასმა დღეს $113-ს მიაღწია, რაც 2014 წლის ივნისის შემდეგ ყველაზე მაღალი მაჩვენებელია.

წყარო: businessformula.ge