EnergyNews EnergyNews.ge
რუსული გაზის მიწოდების ნაწილობრივი შეწყვეტა ევროკავშირს საფრთხეს არ უქმნის – ამ შემთხვევაში გათვალისწინებულია ზომები. ამის შესახებ ევროკომისიის პრეზიდენტმა ურსულა ფონ დერ ლაიენმა სტრასბურგში ჟურნალისტებს განუცხადა.
მისი თქმით, მოდელები რუსეთის ფედერაციიდან გაზის მიწოდების ნაწილობრივი შეფერხების ან შემდგომი შემცირების შემთხვევაში, რაც ევროკავშირს აქვს, აჩვენებს, რომ თანამეგობრობა “საკმაოდ უსაფრთხო სიტუაციაშია”.
გარდა ამისა, ევროკავშირმა განიხილა თხევადი და ბუნებრივი აირის მიწოდების შესაძლო გაზრდა აშშ-სთან, ყატართან, ეგვიპტესთან, აზერბაიჯანთან, ნიგერიასთან და სამხრეთ კორეასთან.
„ჩვენ ასევე ვესაუბრეთ თხევადი გაზის მთავარ მომწოდებლებს, ვკითხეთ, შესაძლებელი იქნებოდა თუ არა მიწოდების გადამისამართება ევროკავშირის სასარგებლოდ“, – თქვა ფონ დერ ლეიენმა.
მან აღნიშნა, რომ მსგავსი მცდელობები ნაყოფს იძლევა. ამგვარად, იაპონიის ხელისუფლებამ გასულ კვირას დაჰპირდა თხევადი გაზის გადაზიდვის ნაწილს ევროპაში გადამისამართებას.
“ევროპის ენერგეტიკული ინფრასტრუქტურის განვითარებამ ბოლო წლებში გააუმჯობესა გაზისა და ელექტროენერგიის განაწილება ქვეყნებს შორის, მაგრამ რუსული გაზის იმპორტის სრულად შეჩერება დამატებითი ზომების გარეშე შეუძლებელია”, დასძინა ევროკომისიის ხელმძღვანელმა.
