EnergyNews EnergyNews.ge
სამშაბათს, 15 თებერვალს, ნატო–ს გენმდივანი იენს სტოლტენბერგი აზერბაიჯანის პრეზიდენტ ილჰამ ალიევს ტელეფონით ესაუბრა უკრაინის ირგვლივ შექმნილ ვითარებასა და რეგიონული უსაფრთხოების, მათ შორის ენერგოუსაფრთხოების საკითხებზე.
იენს სტოლტენბერგმა ტვიტერზე დაწერა, რომ „კარგი სატელეფონო საუბარი გამართა“ პრეზიდენტ ალიევთან.
„ჩვენ რეგიონული უსაფრთხოება და უკრაინის საზღვრებთან და უკრაინის ტერიტორიაზე რუსეთის შეიარაღებული ძალების კონცენტრაციის საკითხები განვიხილეთ. ასევე შევეხეთ ამ მოვლენების გავლენებს ენერგეტიკულ ბაზრებზე. მე მადლობა გადავუხადე აზერბაიჯანს ევროპაში გაზის მიწოდების მოცულობის გაზრდის გამო და იმისათვის, რომ ეს ქვეყანა გაზის საიმედო მიმწოდებელია“, – წერს იენს სტოლტენბერგი ტვიტერზე.
