EnergyNews EnergyNews.ge
მასობრივი არასწორი დარიცხვების შემთხვევაში “თელასი” და “თელმიკო” ორმაგად დაჯარიმდებიან, – აღნიშნულის შესახებ სემეკის დირექტორმა, დავით ნარმანიამ მედიასთან საუბრისას განაცხადა.
მისივე თქმით, რამდენიმე თვის წინ ხსენებული კომპანიები არასწორი დარიცხვების გამო უკვე დაჯარიმდნენ.
“თუ არასწორად იქნება დარიცხული, ერთეულ ასეთ შემთხვევაში დარიცხვების კორექტირება მოხდება, ხოლო თუ მასობრივი ხასიათი ექნება არასწორი დარიცხვის შემთხვევებს, გაორმაგებულად დავაჯარიმებთ “თელასს” 100 ათასი ლარით და “თელმიკოს” 150 ათასი ლარით. რამდენიმე თვის წინ, როდესაც ადგილი ჰქონდა მსგავს გადაცდომას დაჯარიმდნენ და გაფრთხილება მიეცათ. განმეორითი შეცდომების შემთხვევაში როგორც გითხარით ეს ჯარიმა გაორმაგდება”, – აცხადებს ნარმანია.
ცნობისთვის, დღეიდან სემეკი “თელასსა” და “თელმიკოში” მონიტორინგს იწყებს.
