ენერგეტიკის „გამწვანება“ მსოფლიოს 275 ტრილიონი დოლარი დაუჯდება

კონსალტინგურ კომპანია „მაკკინსის“ ანალიტიკოსების მიერ შესრულებული კვლევის მიხედვით, ენერგიის ორგანულიდან განახლებად წყაროებზე გადასვლა, მსოფლიოს 2050 წლამდე პერიოდში, დახლოებით 275 ტრილიონი დოლარი დაუჯდება. ეს კი მსოფლიო მშპ-ის დაახლოებით 7.5 პროცენტია.

„ჩვენ მიერ შესრულებული კვლევა ცხადყოფს, რომ 2021-დან 2050 წლამდე პერიოდში, მსოფლიოს დაახლოებით 275 ტრილიონი დოლარი დასჭირდება იმისთვის, რომ ორგანულიდან განახლებად წყაროებზე გადასვლის ხარჯები დაფაროს. ეს კი წლიურად 9.2 ტრილიონი დოლარის ტოლფასია“, – ნათქვამია ანალიტიკოსთა ანგარიშში.

ეს დაახლოებით 3.5 ტრილიონი დოლარით მეტია იმ ხარჯებზე, რომლებსაც მსოფლიო „მწვანე ენერგეტიკაზე“ გადასვლისთვის, ამჟამად წლიურად გაიღებს. ხარჯების ნახევარზე მეტს, მსოფლიოს უმსხვილესი ეკონომიკები – აშშ, ჩინეთი, ევროკავშირი, იაპონია და ბრიტანეთი გაიღებენ. საერთო ჯამში, ისინი აღნიშნულ პერიოდში, თავიანთი მშპ-ის დაახლოებით 6 პროცენტს, ენერგეტიკის „გამწვანებაზე“ დახარჯავენ.

„მაკკინსის“ ანალიტიკოსების კვლევის შესაბამისად, ნაკლებად განვითარებულ ქვეყნებს, თავიანთ მშპ-სთან მიმართებით, პროცენტულად მეტი წილის გაღება მოუწევთ. ყოფილი სსრკ-ის ქვეყნებში ეს წილი 21 პროცენტს მიღწევს, ახლო აღმოსავლეთსა და ჩრდილოეთ აფრიკაში კი – 16.3 პროცენტს.

წყარო: BPN.GE