ბაქო-თბილისი-ერზრუმის გაზსადენის ტრანზიტი 46%-ით გაიზარდა

მიმდინარე წლის იანვარ-ოქტომბერში აზერბაიჯანის მაგისტრალური გაზსადენებით 28,433,000,000 კუბური მეტრიბუნებრივი აირი გადატვირთეს, რაც  20,4%-ით მეტია 2020 წლის ანალოგიურ პერიოდთან შედარებით.

აზერბაიჯანის სახელმწიფო სტატისტიკის კომიტეტის მონაცემებით, ქვეყნის მაგისტრალური გაზსადენებით სატუმბი გაზის საერთო მოცულობაში, 50,5% მოდის ბაქო-თბილისი-ერზრუმის მილსადენზე (სამხრეთ კავკასიის გაზსადენი).

საანგარიშო პერიოდში აღნიშნული მილსადენით 14 365 000 000 კუბური მეტრი ბუნებრივი აირი იქნა ტრანსპორტირებული, რაც 45,8%-ით მეტია გასული წლის ანალოგიურ პერიოდთან შედარებით.