ევროკომისიამ 2021 წლისთვის Brent მარკის ნავთობის საშუალო წლიური ფასის პროგნოზი გაზარდა

ევროკომისიამ გაზარდა Brent მარკის ნავთობის საშუალო წლიური ფასის პროგნოზი მიმდინარე წლისთვის 71,6 დოლარამდე/ბარელზე 68,7 დოლარიდან, ევროკომისიის შემოდგომის ეკონომიკურ პროგნოზზე დაყრდნობით, იუწყება “ნავთობპროდუქტების იმპორტიორთა კავშირი”.

„სავარაუდოდ,  ნავთობის ფასი გაიზრდება 2021 წლის 71,6 დოლარიდან/ბარელზე 2022 წელს 78,9 დოლარამდე/ბარელზე, ხოლო 2023 წელს შემცირდება 72,3 დოლარამდე/ბარელზე“, – ნათქვამია პროგნოზში. დოკუმენტის მიხედვით, საუბარია Brent  მარკის ნავთობზე.

ევროკომისიის წინა პროგნოზის თანახმად, რომ Brent მარკის ნავთობი  მიმდინარე წელს ეღირება 68,7 დოლარი/ბარელზე, ხოლო მომავალ წელს – 68,3 დოლარი/ბარელზე.

ენერგიაზე ფასების ზრდის ფონზე ევროკომისიამ მნიშვნელოვნად გაზარდა ინფლაციის პროგნოზი ევრო ზონაში – 2.4%-მდე 2021 წელს და 2.2%-მდე 2022 წლისთვის და ელოდება მის შენელებას 2%-ს ქვევით მხოლოდ 2023 წელს –  1,4%-ზე