ბეზოსი კლიმატის ცვლილებასთან ბრძოლისთვის 2 მლრდ აშშ დოლარს გამოყოფს

„მე ვიცოდი, რომ კოსმოსში გაფრენის შემდეგ იცვლება ხედვა, რომლითაც სამყაროს ვუყურებთ. მაგრამ მე არ მეგონა, რომ ეს ასეთი დიდი სხვაობა იქნებოდა, უნდა გავერთიანდეთ, რათა მსოფლიო დავიცვათ“, – განაცხადა ბეზოსმა.

ჯეფ ბეზოსი ამჟამად მსოფლიოში სიმდიდრით მეორე ადამიანია. მან კაპიტალი 1994 წელს კომპანია Amazon-ის დაფუძნების შემდეგ მოიპოვა. მიმდინარე წლის ივლისში ბეზოსმა Amazon-ის გენერალური დირექტორის თანამდებობა დატოვა. ბეზოსმა თავის გამოსვლაში 2040 წლისთვის მისი კომპანიის მიერ ატმოსფეროში ნახშირბადის ამოფრქვევის ნულამდე შემცირების პირობა დადო. ამისთვის 2025 წლისთვის მიტანის სერვისის ავტომობილების ელექტრომობილებით ჩანაცვლება იგეგმება.