EnergyNews EnergyNews.ge
“ჩრდილოეთის ნაკადი-2-ის” გაზსადენის პირველი მილების შევსების პროცედურა 4 ოქტომბერს დაიწყო. ამის შესახებ საინფორმაციო სააგენტო Reuters წერს.
ექსპლუატაციაში გაზსადენის შესვლამდე დარჩენილი ეს ბოლო ნაბიჯი უკავშირდება ბუნებრივ აირზე ფასების მკვეთრ ზრდას და რეზერვების შემცირებას, რაც მოახლოებული ზამთრის წინ საფრთხეს უქმნის კორონავირუსის პანდემიის შედეგად დაზიანებული ევროპის კონტინენტის ეკონომიკურ აღორძინებას.
გერმანული მხარის თანახმად, რუსული გაზი, რუსული გაზსადენით გერმანიამდე უკვე ამ თვეში მიაღწევს.
გაზსადენ „ჩრდილოეთი ნაკადი 2“-ის საერთო სიმძლავრე 55 მილიარდი კუბური მეტრი აირია და, პროექტის თანახმად, უკრაინის გვერდით ავლით, საწვავს რუსეთიდან ბალტიის ზღვის ფსკერის გავლით პირდაპირ გერმანიას მიაწვდის.
უკრაინა პროექტის დაწყებისთანავე აფრთხილებდა საერთაშორისო საზოგადოებას, რომ “ჩრდილოეთის ნაკადი 2” საფრთხეს უქმნის არა მარტო უკრაინის, არამედ მთლიანად ევროპის ეკონომიკურ, ენერგო და ეროვნულ უსაფრთხოებას.
