ევროპაში გაზის ფასმა მცირედით იკლო

ევროპაში გაზის ფასი 1000 კუბურ მეტრზე 970 აშშ დოლარს შეადგენს.

ექსპერტები აღნიშნავენ, რომ ევროპაში გაზის ღირებულება სტაბილურდება და დადებითი დინამიკა შეინიშნება.

შეგახსენებთ, რომ ერთი დღით ადრე, ევროპაში 1000 კუბური მეტრი გაზის ღირებულება 1000 აშშ დოლარს შეადგენდა.

ფასების მატების მიზეზებს შორის სახელდება ბოლო გრძელი და ცივი ზამთრის განმავლობაში ბუნებრივი აირის გაზრდილი მოხმარება, ამას ასევე ემატება სამრეწველო საწარმოების მიერ მნიშვნელოვნად მომატებული მოხმარებაც, რომლეთაც COVID-19 პანდემიის შენელების შემდეგ აქტიურად გაანხლეს წარმობა.

ენერგიაზე საერთაშორისო ფასები ასევე გაიზარდა, ევროპაში ქვანახშირის ელექტროსადგურების ემისიებზე შეზღუდვებისა და სანქციების დაწესების, ბირთვული ელექტროსადგურებზე მიმდინარე სარემონტო სამუშაოებისა და აზიაში თხევად გაზზე მოთხოვნის გაზრდის გამო.

რა თქმა უნდა, მნიშვნელოვანი როლი ითამაშა იმანაც, რომ რუსულმა “გაზპრომმა” ზაფხულის განმავლობაში შეამცირა გაზის მიწოდება ევროპაში. შედეგად, ევროპის გაზსაცავებს ჩვეულებრივზე უფრო მცირე რეზერვები აქვთ.