ევროპაში ბუნებრივი აირის ფასი კვლავ გაიზარდა

ლონდონის საფონდო ბირჟის ICE მონაცემების თანახმად, გუშინ, ევროპაში, ბუნებრივი აირის ფასი კვლავ დაუბრუნდა 1000 კუბურ მეტრზე 580 დოლარს.

სექტემბრის ფიუჩერსული კონტრაქტების ღირებულებამ ნიდერლანდების TTF ცენტრში, თბილისის დროით 19:17 საათისთვის, ათას კუბურ მეტრზე $ 580-ს გადააჭარბა და მხოლოდ ვაჭრობის დასასრულს შემცირდა ოდნავ (576.3 $ ათას კუბურ მეტრზე), რაც დღეში 4.2%-იანი ზრდის მაჩვენებელია.

შეგახსენებთ, რომ ბოლო დღეებში გაზის ფასი ევროპაში თითქმის 100 აშშ დოლარით დაეცა, როდესაც ყალბი ინფორმაცია გავრცელდა Nord Stream 2-ით გაზმომარაგების სავარაუდო დაწყების შესახებ, შემდეგ კი, “გაზპრომის” შეტყობინების, 5,6 მილიარდი კუბური მეტრი ბუნებრივი აირის შესაძლო მიწოდების შესახებ.

ნინო სამადაშვილი