ჩინურმა კომპანიამ ფიქლის ნავთობის საბადო აღმოაჩინა

ჩინეთის ნავთობის ეროვნული კორპორაციის (CNPC) სპეციალისტებმა  ფიქლის ნავთობის მარაგი აღმოაჩინეს. ამის შესახებ ადგილობრივი მედია წერს.

ფიქლის ნავთობი დაკინგის ნავთობისა და გაზის საბადოშია (ჰეილონგიანგის ჩრდილო -აღმოსავლეთი პროვინცია) აღმოჩენილი. ნედლეულის გეოლოგიური მარაგის მოცულობა 1.27 მილიარდი ტონაა.

”ეს ჩინეთისთვის მნიშვნელოვანი მიღწევაა ფიქლის ნავთობის კვლევასა და განვითარებაში”, – ნათქვამია ჩინეთის ნავთობის ეროვნული კორპორაციის განცხადებაში.

დაკინგის ნავთობისა და გაზის საბადო არის ჩინეთის უდიდესი საბადო რეზერვების თვალსაზრისით. იგი 1959 წელს აღმოაჩინეს. მისი ნავთობის მარაგი დაახლოებით 5.7 მილიარდი ტონაა.