ბიტკოინის ღირებულებამ 50 000 დოლარს გადააჭარბა

CoinDesk-ის მონაცემებით, ბიტკოინის ღირებულებამ, მიმდინარე წლის 15 მაისის შემდეგ პირველად,  50 000 აშშ დოლარს გადააჭარბა.

23 აგვისტოსათვის კრიპტოვალუტის ფასი 2.43%-ით გაიზარდა და  50,398.75 აშშ დოლარი შეადგინა.

შედეგად, მისმა კაპიტალიზაციამ 946,7 მილიარდ დოლარს მიაღწია.

ეთერიუმის ფასი, რომელიც კაპიტალიზაციის თვალსაზრისით მე-2 ადგილზეა, გასული 24 საათის განმავლობაში 3.09%-ით გაიზარდა და 3 331 აშშ დოლარი შეადგინა.

კრიპტოვალუტის ბაზრის საერთო ღირებულებამ 2.157 ტრილიონ დოლარს მიაღწია.