ჩინეთმა განახლებადი მწვანე წყალბადის მეგაპროექტი დაამტკიცა

ჩინეთის შიდა მონღოლეთის რეგიონმა ფართომასშტაბიანი ენერგეტიკული პროექტი დაამტკიცა, რომელიც მზის ენერგიასა და ქარს მწვანე წყალბადის წარმოებისთვის გამოიყენებს.

წყალბადის ენერგიის ხელშეწყობის ასოციაციის განცხადებით, ქარხნების ჯგუფი ქალაქ ორდოსსა და ბაოტუში, გამოიყენებენ 1.85 გიგავატ მზის ენერგიას და 370 მეგავატ ქარს, წელიწადში 66,900 ტონა მწვანე წყალბადის წარმოებისთვის. მოსამზადებელი სამუშაოები ოქტომბერში, ხოლო უშუალოდ პროექტი 2023 წელს დაიწყება.

პროექტი, რომელიც გამოიმუშავებს საკმარის წყალბადს, რომ შეცვალოს დაახლოებით 180 მილიონი გალონი ბენზინი, თუ ის გამოიყენება საწვავის უჯრედების მანქანებში, არის ყველაზე დიდი პროექტი, რომელსაც მთავრობა ჯერ არ უძღვება, ამბობს BloombergNEF-ის ანალიტიკოსი Xiaotin Wang. ჩინეთის წყალბადის ინდუსტრიას ჯერ კიდევ აქვს შეფერხებები, მათ შორის საწვავის შენახვისა და გამოყენების, რომელიც უნდა მოგვარდეს მომდევნო ხუთი წლის განმავლობაში, განაცხადა Securities Daily-მ ოთხშაბათს.

შიდა მონღოლეთის განვითარებიდან მიღებული ელექტროენერგიის 20%-ზე ნაკლები გადადის ქსელში, ხოლო დანარჩენი გამოიყოფა ეკოლოგიურად სუფთა წყალბადზე.

წყალბადი სასიცოცხლოდ მნიშვნელოვანია 2060 წლისთვის ჩინეთის ეკონომიკის დეკარბონიზაციისკენ სწრაფვისათვის. Bloomberg Intelligence-ის თანახმად, რომელიც ჩინეთის წყალბადის ალიანსის პროგნოზებს ეყრდნობა, ქვეყნის წყალბადის ინდუსტრიის ღირებულება 5 წელიწადში 1 ტრილიონ იუანი ($154 მილიარდი) იქნება და შეიძლება 2050 წლისთვის 12-ჯერ გაიზარდოს.

მიუხედავად იმისა, რომ შიდა მონღოლეთი დიდი ხანია ჩინეთში ნახშირის მოპოვების ერთ-ერთი მთავარი რეგიონია, ოფიციალური პირები მას აღიქვამენ, როგორც პოტენციურ განახლებადი ენერგიის კვანძს ელექტროენერგიისა და წყალბადის ექსპორტისათვის დანარჩენ ქვეყანაში.

წყარო: “ბიზნესფორულა”