საქართველომ აზერბაიჯანიდან ელექტროენერგიის იმპორტი გაზარდა

მიმდინარე წლის იანვარ-ივლისში, საქართველომ აზერბაიჯანიდან 505,2 მილიონი კილოვატსაათი ელექტროენერგიის იმპორტი განახორციელა.

აღნიშნული ნაჩვენებია საქართველოს ელექტროენერგეტიკული ბაზრის ოპერატორის – ესკოს ანგარიშში.

დოკუმენტის თანახმად, მოცემული მაჩვენებელი 21,2%-ით მეტია გასული წლის ანალოგიურ პერიოდის მაჩვენებელთან შედარებით.

მთლიანობაში, საქართველომ 1,706.1 მილიონი კილოვატ საათი ელექტროენერგიის იმპორტი განახორციელა, საიდანაც 30% აზერბაიჯანზე მოდის.

საანგარიშო პერიოდის განმავლობაში, აზერბაიჯანიდან საქართველოს გავლით თურქეთში ელექტროენერგიის ტრანზიტმა 108.1 მილიონი კილოვატ საათი შეადგინა, რაც 6.3%-ით მეტია წინა წელთან შედარებით.

ნინო სამადაშვილი