ევროპაში ბუნებრივი აირის ფასი ახალ რეკორდულ მაჩვენებელზეა

ევროპაში ბუნებრივი აირის ფასებმა თავისი ისტორიული მაქსიმუმი განაახლა, 1000 კუბურ მეტრის ფასმა 580 აშშ დოლარს პირველად გადააჭარბა.

თბილისის დროით 15:10 საათზე გაზის სექტემბრის ფიუჩერსების ფასმა TTF ინდექსით ICE საფონდო ბირჟაზე 1000 კვტსთ-ზე 47,7 ევროს მიაღწია.

TTF ჰაბზე, სექტემბრის ფიუჩერსული ფასი ვაჭრობის დაწყებისას თითქმის 550 აშშ დოლარი იყო. აუქციონის შედეგების გამოცხადების შემდეგ ის 2.5%-ით გაიზარდა და 586.3 აშშ დოლარი შეადგინა.

აგვისტოში ბუნებრივი აირის ფასებმა უკვე რამდენჯერმე განაახლეს ისტორიული რეკორდები.